من رياض العز ظلّ العرَب في كل حال =  يعتلي في قمة طويق من يلجا لها 


عاصمة مجدٍ للإسلام عالي ما يطال =   تستظلّ بظلّ شيخ ٍ بقلبه شالها 


شامخ ٍ مجده وجُوده لأهَل عصره مثال   =  عِزها سلمان كل المكارم نالها


وللرياض اعطى من الجهد ما فاق الخيال =  لين صارت جارة الجدي في منزالها


جيت منها احمل مشاعر سلام وطِيب فال = جيت ألبّي دعوةٍ سرّني مرسالها


من نجيبٍ حاز طيب العمام معَ الخوال =  والمعالي زادها ما نقص مكيالها


فيصل البندر بجهده قصيم الخير نال  = نهضةٍ تشهَد بصادق جهود ارجالها


لو بغيت أذكر بعض وصفها طال المجال= الاشارة كافية واللبيب أصغالها 


مثل مقال المثل مابها رد وجدال = أصدق أدلة كمال الرجال افعالها 


والختم صلوا على اللي منح تاج الكمال = الفضايل خصها الله باتم خصالها 


وبعدها نصلي على خير صحب وخير آل = عد ما لاحت بروقٍ بعرض خيالها