للعيد فرحة تسكن عروق من صام = ربي شرعها لكل انسه وجنّه


ينسى بها راعي الشقا ضيم الأيام = ويتم سعد اللي عسلها سقنّه


فاقت شعور العيد في كل الأعوام = شوفة سعود الطيب والطيب منّه


يالله عساها تبطي أعوام وأعوام = وعيون ربعه بألف صحه يرنّه


الشامخ اللي في الصعيبات مقدام = يعطي سنينه مجد لا ما عطنّه 


سعود سعد اللي شكا ضيم من ضام = ينصاه من سود اليالي لفنّه


باب الفرج وقت الحرج بأمر من دام = من ظن فيه بخير ما خاب ظنّه


له فزعةٍ ماردها لوم لوام = لاما حسب اللي من الطيب حنّه


زبن الشيوخ وفـ النواشيب ضرغام = يفك الرقاب اللي من الموت جنّه 


له مجلسٍ مدهول من كل الأقدام = لأهل المراجل ساق فنجال بنّه 


أبو هلا لقبل له الضيف بسام = جزل العطايا والعطا مايمنّه


ما صك بابه دون مسكين وأيتام =حتى الظروف القاسية ما أبعدنّه


حقٍ علينا تفتخر دار الاسلام = بسعود نجد ورمحها اللي تسنّه


نبض وحقايق وانسكب حبر الأقلام =  يوم المشاعر فيضت ما تكنّه