يــا نجـــد ما تشكي من الهم والجور= وسلمـــــــان حي وجالسٍ بالأماره


لا والـــذي نزل تــــبارك مــــع النور= أنـــك بـــعـــــزٍ شــب سلمان ناره


يــــا نجد ما يلحقك في مجدك قصور= فـــــي ظل من عزه رفع عز داره


وســـمٍ من الرحمة على الدار مأمور= لمجدٍ تتابع بـــــالمــعزة خضاره


يــا نجد دونك قاسي الرأس مسطور=سلمان عتـــق ارقاب ثار ومثاره 


شــــيخٍ بمجــــده عزك اليوم معمور=سايق ركابك قدم ركب الحضاره


يـــا نجد في حبك ترى الشيخ معذور=واللـــــيل عزه في مطالع نهاره


ماكــــنك إلا جــــنة الخلـــــد والحور=أمنــك وأمانك والرخا بك مداره


يـــا نجــد من جا شاكيٍ راح مسرور=مســـرةٍ عـــيّـــد بها جار جاره


تضـــيع بـــبحوره محــيطات وبحور=عليك في كبد أخو نوره حراره


يــا نجد من صاح الضحا فيك مقهور= على عدوه شــن سلمان غاره


يصبح بها اللي يشكي الضيم منصور=حقه من أمجـاد المكارم كباره