ابدا بذكر مصور الكون تصوير = رب ولا غيره على الناس والي


رب كريم رازق الناس والطير = علام ما في الكون في كل حالي


وأهدي سلامي للوفي دون تقصير = راع الكرم والطيب واف الخصالي


سلام يا نسل الشيوخ المناعير = عبد العزيز اللي رقا بالمعالي 


سلام ياللي عالي بالمذاكير = رجل نعزه كاسب الطيب عالي 


شاعر وشعره من حسين التعابير = شعره وله ذوق من الهزل خالي 


يامير انا أغليك مذكور بالخير = أغليك أنا يامير منصا الرجالي 


يامير لك فالقلب حشمه وتقدير = معزتك يامير هي راس مالي 


يحميك ربي من صدوف المقادير = وتبقى عزيز دوم ياعز غالي 


وصلاة ربي عد ما غرد الطير = على النبي واعداد وبل الخيالي