الــــمـــبــــتـــدأ يــــــــا الله يــــا رب الأرباب=أدعــــيـــك بـــاسماك الجزال العظامي


يـــــا منــــزلٍ ســــــورة تـــــبارك والأحزاب=يــــا فــــــــارضٍ حج الملا والصيامي


يـــا واحـــدٍ بــــيـــديه غـــلــقـــــات الأبواب =أنـــــك تــــــبلغـــــني وصول المرامي


كــــان اللـــيـــالي غــيــبها كـــــالــــح الناب   =  وفـــــتــــق على سود النوايا الكمامي


وراح الخـــبـــــل يدحــــم بجــــنبه ولا هاب=وســـــاقه علــى حق الرجال الغرامي


وهــــو بــعـــد مـــاله مــع الـــناس مشراب =ولا قـــد شرب صافي نظيف العجامي


وخـــــلاف ذا جــــاني مــــن الشيـخ هنداب =راشـــــــــد ولد عيسى رفيع المقامي


فــــي طــــــي قـــــاف الشــيخ طـبٍ للألباب =يـــــــا رد على المعنى ورود الحيامي


حـــــــي الكــــتـــــاب وحــي ما جاب نجاب=حـــيـــه عــــدد مــــــا ياردن الظوامي


حـــيــــه عــــدد نجــــــم ظهر عقب مغياب=وعــــداد مـــــا يمطر صدوق الغمامي


وعـــــداد مـــــا تمــــــشي الركايب بركاب =وعــــداد مــــا طــــار الجراد التهامي


وعــــداد مـــا صـــــــالوا طويلين الأشناب=بظــــهـــــور حـيـــــلٍ مثل ربد النعامي


حـيــــلٍ لها مع صحــصــح القاع ضبضاب=مكـــتـــوب فــــــوق أكـوارهن العدامى


ترحيبة الشفقــــــان لا شـــاف مــــن غاب=غــــيـــابٍ تـــــقــطع مـن وراه العلامي


مـــــا نـــيــــــب فالتر حيب وجلٍ ومــرتاب =أهــــــلاً يـــا بن عيسى كـريب الحزامي


مـــــن دون حــــده مثــــــل أبا زيد وذياب=يــــفــــك حـــقـــه مــــا يـبي له محامي


مــــا شـــــال سيــــــف العز بيـديه نصاب=يــــــضـــيم خصمه ما يجـيه انهضامي


مـــــــا قــــلتها قـــــصدي مجامل وكــذاب=مــــصـــــداق قولي رأس حـد الحسامي


وترى الـــثعـــل لــــــــوله ثمانين مخـلاب =يــــصبــــح ولا يــــمــسي كفـوفه دوامي


ولا يـــثـير الخـــــوف فـــي حـــزم كــلاب =تجــيه رمــية خــوف مــن غــير رامــي


يــاربعــــنا هـــــاتو لــنا عــوج الآرقـــب=فــــج الأبـــــاهـــــر كـــنهــــن الأدامـــي


الفــض كــنه بـــــيــن أنـــا ســيمهـا ذاب=درم الخــــفـــاف مـــــعــذرات الهوامــي


تــرد علــم لأحمــر العـــيــن غــصـــــاب=حــــقـــــه وســتـــر مطـــرزات اللثامــي


يــوم الســلاح بــراس شــلفا ومشـــعاب 	=والـــضــــد مـــــالــه حشــيمةٍ واحترامــي


مــــن راح راح ولا  يجــي عــنه نـــباب =والحـــي يـــاصـــل فـــوق نــــاب السنامي


للــــنار شـــبـــابه وللـــخــــيـــــل ركـاب=يـــحـــدهـــم حـــــد الحــيـــام الـــهـــيامي


وإن بان لك في بعض الأيام مـــــضـراب=احـــفــــظ علـــمــهــا يـــــا سـريع الولامي


كـــــم واحـــدٍ يــــرمي فلا شك ما صـاب=والجــــو مــــا جــــا فـــــيه عـج وعسامي


مثل الطبيب اللـــي يـــــداوي بـالأعشاب =مــــن الـــــورق ومــــن الـــزهـور النوامي


مــن طـــــــاب قالوا وافقت فيـه الأطباب=وإلا مـــا هـــــوب بـــعـــهـــدةٍ والـتــــزامي


الحــبـــل يخـــــلف كـل مـن عضه الداب=والــــداب مــــا عـــنـــده ســـــلوم ونـظامي


وأبــعــد عـــن اللـــي للــشـريفين سباب =لـــو كـــان جـــــدانه خــــــــــوال وعـمامي


ولا تــنازل فـــالـــوغى حـرب الأعصاب=ولا تـــعــــيـــر الــــعــــايـــــــرات اهتمـامي


واللـــي مـــن الـــدنــيـا والأيـــام منغاب=لــــو صــــاح فــــــي رأس النبا مــا يـلامي


تلقاه مـــن مــــرقــاب فــي رأس مرقاب=كـــــــنـــــــه مــــورثه الــغــــرام الـــقـثامي


مـــا ضــاع دينٍ له مـــــن الـناس طلاب=ولا عــــن الحــــق المـــصـــيـــب انـهزامي


يـــونس بــقلبه لـــوعـة حجـاب وعقاب=اللــــي يـــقــــودون الجـــمــــل بـــــالخزامي


اللـي يخــــلون أكــــثـــر النـاس عزاب =بنــــحــــورهــــم مــــن طــــاح ما عاد قامي


هـــــاك الزمان اللي مضــى كله إرهاب=للــــبـــنت سَــــلم قـــش أبــــوهـــا استلامي 


يـــومٍ يـــأدب فعـــــــله اللي بالأصلاب=ويــــولـــــف الأخـــصــــام ولــــــف الريامي


لـــو شـــفــت لك صـقـار والطير تلاب =يحـــــــــــرم علـــى الصـقـــار ريح الإيدامي


دنياً تــــقـلب يــــا بن عــيســى تقلاب= البــــحر للــــــمـوج فيه إلتطامي


مــــا ينـفع إلا السيف قـــطاع الأرقاب=والــــذل يـــدعي كـــــل عـــامــــر هــدامي


أحـــدٍ يــــجي همه كــــبر ضلع ديراب=وأحــــدٍ هــــمـــومــــه ضحـــكةٍ وابتسامي


لا شــك يبغى مقضب الســـيف قضاب=كـــــف يـــفــــك مــــن اللحـــام اللـــحــامي


والله عـــن خـــلـقه غــــفـــورٍ وتواب=نــــرقــــد وعـيــــن اللـــــي خلق ما تنامي


هـــذا الحيا جانا عـــقب وقت الأجداب=أعـــطيتـــــني زامـك وأنـــــا أعطيك زامي


والكـــون فــيه إسهال وجبال وشعاب=سبـــــحـان خــلاق البـــــــشــــر والسلامي


مـــا قــــام بيتٍ مــن بلا عمد وأطناب=قــــالــــوه قـــــبــــلي مبعـــــــدين المرامي

زان الجـــــديد وشاقني صوت وعتاب=مـــــن داعـــــي فــــــــي تــــالي اللــــيـــــل لامي


يــلحي بصـوته يرتجي الوقت لا شاب= يــــفــــزع عــــقـــب عــــج الـــــرمك والكــتامي


قــــلت الخبر قال اشبلا الوقت ما ثاب=كـــــيــــف انـــتخي بـــــه .. واعــــتذر ما يكامي


مــــا عـــاد بالدنيا مواجيب وأصحاب=  أو اه قـــــفــــــت .. وا علـــــيـــــهــــــا السلامي


ولدّيت واثري بيـــنــــنا ستر وحجاب=شــــــوف الــــــمــــدى والليـــــل صوته حلامي


عــــاشرت بـــــالدنيا بعيدين وأقراب= ولحـــــقـــــت عـــجــــلات الـنـــــضا في مرامي


وسهــرت ليل ودست قيعان وهضاب=أمــــشـــــي وروحــــي مــــــا ضــــناها هيامي


واليــــــوم كـنّه بأوسط الجوف لهّاب= أســــــايــــره مـــــــير البحـــــــر صـــار طامي


كـــن الــــزمن يمشي بتقنين وحساب=ويــــمـــضـــــي علــــيّ اليـــوم باعداد عامي


ودورت صــــاحب بين خلأن وأغراب=كـــــلٍ بــــفـــالــــه واخــــتـــــفى بـــالزحامي


مــــا فيهـــم اللي ينثني وقت الأكراب=يـــشــــيل لا مـــــالت حـــمـــــول الجهامي


إلاً انت يا بن سعود يا عرب الأنساب= مـــــن فـــــوق صــــدرك للمراجل وسامي


بالمرجلة والجــــــود والسيف وكتاب=أهــــلك تعـــــلوا نـــــايـفـــــــــات الزوامي


وبالمجد والعفة وتـــقــــــدير الاجناب=ومــــا تـــقــــطع الــداني وصّول الرحامي


وسريت فـــــي شعرك على كل خطّاب=لــــي مــــــا تغـــنى بـــــه صغير الفطامي


يــا خوي شوف الوقت سالب وسلاًب= قـــــــفي ولا بــــــه غــــــير غــثّ الأنامي


غــــــادر ووقـــــتٍ للمـــنـاعير جلاًب= مـــــرّ الطــــنا والكــــبد بـــــالغيض دامي


الـــــذيب لي من لجّ بالصوت منصاب=والطــــيـــر لــــو لا الجنح مــا كان حامي


ولو كــان حالت بيننا ظروف وأسباب=غــــلاك يجـــــري بـــــاللحــــم والعظامي


يــــا كـــــم سـألنا من طرفنا ولا جاب= نــــبــــي الخـــبــــر عنكم ربوعٍ حشامي


ننشد يجـينا الـــــــــرد مشغول ويناب=والكـــل مــــنهـــــم زاهــــــبٍ بــالتمامي


يا خوي ما نبغي سوى الشوق ينذاب=شـــفـــقٍ لــصــــوتك يـــا كبــير الأسامي


ولا فيه مــــنا يـــا ذرى الجود كساب=غـــيـــر الحـــســـود وتــابعــين الهوامي


عـــبــــد العــــزيز أيام وأيام ما طاب=لــــذ الكــــرى يـــا خـــوي مدري علامي


مدري الزمن مدري هله مدري انشاب= مـــــــدري بــــلاي الــــروح قامت توامي


متحيــــرٍ يــــا صـــاحبي والفرح غاب=مــــن وقت سل السيـف وارخى الحسامي


ولبس الثعل جلد الأسـد واعتلى الغاب=وقــام أيـــتــخــايل جامـــــــحٍ للعـــــدامي


والخيل تصهل فوقها سـيوف وحراب= أبــــشـــــرك داســـــت بحـــور الـــظلامي


نــمـــشي بـــأمان وبيرق المجد لعاب=بـــــالحـــزم رفـــــــرف وامتلكنا الزمامي


وبحكـــــمة اللـــي للصعيبات ما هاب= الـــــــوالـــد الــــغــــالي عــزيز المقامي


اللي حماهـــــا عـن معـادي وغصّاب=وبـــــــنّى لــــها مجـــــدٍ حشا ما يرامي


ســـــــور لــهــا لا صــار للنار شبّاب= الــــفــــارس الشهــــم الكريم الهمامي


يا خوي شفت الوقت بقلـوب الأحباب=يــــــوم اللــيالي مــــا غــــفت للمنامي


وأصحابنا صاروا معه تقـــــل دولاب= يــــا ســـــرعهم وقت النكوفة أشمامي


مـــتولفين بـــهـــرجهم بـــأول الباب= مـع الهوى يــــا خـــــوي غربٍ وشامي


هــذا وأنــــا والوقت طــالب وطلاًب= نـــــــنطر مــــتى يــــلفي ردود الكلامي


مـــا غــــرّنا لـــونٍ ولـو كان جذاب=نـــتـــــبع أصيــلٍ بــــالـــثمن ما يسامي


كـــــم مرةٍ نسأل وخط الــرجا خاب=من صوبكم يـا خــــوي بـــلعون صامي


ما قصدنا يا كود وش حال الأقراب= يـــــا مــن لكــــم بين الضماير وشامي


يــــا خوي لك من تباريـك وإعجاب=ونعـــم الـــذي ســـويت يـا بن الكرامي


نصيت ضلعٍ نـــايف الطــــول نبّاب=نعـــم النسيب ونعــــم مـــــن جاه سامي


بيتٍ بجــــوده يذري ركـاب وركاب=ومن هــو عناله لا حشا مـــا يــــضامي


واسلم عدد ما زار بيته ومــــا تاب=مســلم وما غـــــنّى طـــــروب الحمامي


يا صادقٍ بــــالود يا عرب الأنساب=داع الفكـــــــر عيّا يطـــيـــــــب المنامي