أشقرٍ فـــي صـــــيدة البرقا غرامه= طـــــــــبــع أبوه اللي لقاها بالمفالي


زام غــيــره قد خذه في ردن زامه=مـــــــن يتــل السبق يلحق ما يبالي


تل سبقه وانتهض عجل انصرامه=فـــــــوق ست وما بقى للست تالي


كـــن برق الريش برقٍ في غمامه=ضـــــفها ضــفة حبيبٍ ضف غالي


طيـــر لكــــــنه خلق مرفوع هامه=دجـــــر كن الشمس لعيونه ظلالي


جعل هــــاك الوجه تبراه السلامه= يــــــوم شفته بـالنواظر طاب فالي

شــفـــت در الشعر بسطور اليمامه=مــن أمـــيـــرٍ عــــالي المــقدام غالي


يوصف الحر الــذي جــبره عظامه=أشـــقـــر يـــجــناه محــــمود الفعالي


شـــاقــــني مــعـناه واجاري ولامه=يــوم ذكـــرنــي بـــشــيءٍ قد مضالي


فكري اللي حــــام وابعد في حيامه= والــتهم مـــاضــي قضت دونه ليالي


خذ مع الهاجوس سجه وانسجامه=ومــا طـــرا للسامـــر البارح طرالي


ذكـــرنـــي بــالـــذي لي له علامه= يـــلحـــق الــعـــاند ويثــني بالتوالي


يــبـــهرك بالصيد لا من دار زامه=لا يـــــصـــد ولا يـــرد ولا يــــبــالي


خـــربك اللي راح يا محلا أودامه=لـــفــهــا لــفــت عـــــدوٍ للــــزوالي


مــن جـــنا مثله فلاشاف الندامه=مــا يــضـــوي لو قليل الصيد خالي


دوم في وجهه تشوف الابتسامه=يــوم غيره ما الكدر ما هوب سالي


والشرود اللي تبي بــر السلامه=مــا صبحت عقبه بربع الصيد فالي


لي يخلي الريش ع مطلع كتامه=كــارثــات الــثـــلج لا غطا الجبالي


أو كما ردم الجـراد اللي زمامه= وافترق وقت المساء يبغى المفالي


كــم مـــزمـومٍ رقينا في زمامه=وكــــم شـــرفـــنا بــعــالــيه التلالي


وروضةٍ فيها مقاديم الوسامه=فــقــــرةٍ مـــا داسها غـــير الغزالي