عسى السحاب اللي تثقل بالامطار=تـــسقــــي الطلــــول الباليه مـن مطرهـا


دار لها فـي مـــاضي الوقت تذكار= يجــيــبـــنا تــاريــخــها عــن خـــبرهـــا


يا ما دعـت للــــدين بالسر وجهار=ويــا مـــا تـلـــي بقطارها مـن سورهـــا


واليوم صـارت حسبة أطلال وآثار= تحــطــمت حــيــطــانها مــع حــجرهــــا


وقــفـــت فــيها حـائر الفكر محتار=ذيــك القــصـور الــنايفه وش دمـــرهـا


سبحــــان مـن دبر بكونه له أدوار=تجــري العـيـون الجاريه من فجــرهــــا


يـــرفـــع ويـاضع عالمٍ كل الأسرار= يعـــلم مــنــافـــعـها ويــعـلم ضــررهـــا


الى ومـر بمـره جرت كـــل الأقطار= مـــا ينـــفع العيـن البصيـرة بــصــرهـــا


وذي لفتةٍ لأهـل البصاير والأبصار=تـــأخــذ مـــن صــروف اللـيــالي عبرهـا

أطلال تنبي عن حضارة هـــل الدار=مــــعـــــالمٍ للـــعــيـــن تـــشـــهد بثرها


معالــــمٍ تـــنـــبي لــــوافين الأشبار=بـــخـــبار مــــا تخـــفا علـــــينا سيرها


لفعالهم يــا خـــال فــالــمــجد تذكار=وخـــبارهــــم عجــــز الـدهر ما قبرها


فــي خـــاطري للدار حشمه ومقدار=وعــيـــني علـــى عـــزه حــديدٍ نظرها


وجــدي وجود اللي على كف صقار=راعـــيــه طـــوى فــالسبوق وقصرها


شاف العجاج اللي معه رش وغبار=ونـــفــسه علـى طيـره تــلاحق حذرها


خاف تــغــدي بالطير ميلات الاقدار= صدوف الليالي خاب وامن خطرها


مـــــرٍ أقـــول لهاجسي يدك والحار=ومــــــــر اقول أمجيرها ما عذرها


هـــذا وانــا من جاير الوقت محتار=أحــــدٍ ذرع دنياه واحــــــدٍ شبرها