يا مرحبا يا عزيز عندنا غالي = ولو ظن فينا رفيع ما نزل شانه 


الظن بعضه إثم , وربك ترى قالي = واللي يصدق ظنونه يظلم اخوانه 


وإحنا نعرفك مقامك عندنا عالي = ولا نبالي بناس نحس غيرانه 


ونفسك عزيزه عن اللي عنك ينقالي = لا تسمع الخبر في اللي ماسك عنانه 


المر يا صاحبي ما يستوي حالي  = واللي حلا لك نعالي القدر باثمانه 


واللي له الأوله ما يقبل التالي = صحيح من قال أن حصانه لسانه 


ندراك وندرا رضي بو عكس نشالي = اللي تظل اهدابه بشرة اوجانه 


لا تظن فينا ولو قد حال ما حالي = غشيم من يصغي بسمعه لعدوانه 

ترحيبتك يا محمد طيب فالي = وسجيت معها وغنا القلب بالحانه 


أخاف من كلمة  ما جت على بالي = يركب علينا بها اللي مغرض احصانه 


غنيت قبل أمس من همي وغربالي = أسمعك فيض قلب تشجي أشجانه 


ما نيب أتيه ركابي بشهب اللالي = تضرب مداً عارف اسمه وعنوانه 


كم واحد مخلص بالحب وموالي = ومتخيرك عنه علم شفت برهانه 


أرفع بك الراس فوق بكل الأحوالي = وأفخر وأفاخر بطيب كل فرسانه 


كلك وفا يا عريب الجد والخالي = المجد مجدك ومعك أسرار بيبانه 


والجوهر اللي يا بو راشد تهيالي = بأموت والكف مقبوض على الدانه