يامرحبا من شاعر السامر و ديوانه=و يا بو سعود اطربني و صرت نشواني


هلا به عد ما هل من مزن وهتانه= و ما غرد الطير فوق الغصن طرباني


قصيدك جواهر و لا باترخص اثمانه= كما الدر منظوم و محكوم الأوزاني


جزيل و فيه إبداع و الفن عنوانه =  و في عالم التصوير ماله بعد ثاني


سلامي عليك و من حيا عز برهانه=   و الفرق بين الضحى و الليل شتاني

اهلا بقاف القصيد.. و خط سلطانه=   اهلا عدد ما همت به غر الامزاني


من وسم نجم ٍ سقى وديان عطشانه=  تنبت و تورق بها فندات الاغصاني


شيخ حوى المجد و الناموس عنوانه= ابوه زايد و سمي زايد الثاني


  المجد للشيخ فتح كل بيبانه=  يستاهلون الثنى ذربين الايماني


احد الي غاص يلقى في البحر دانه=  واحد يعود من الغبات خسراني