توكلنا على الله وأسمه البادي على البادين = ولا يعبد سواه ولا شريك له ولا غيره


يطولن المساري والدليله ما يقول منين = لو أن أول مشاويره تكون آخر مشاويره


على ذيك الدروب اللي يمين يمين ثم يمين = تيممت .. وميامين الكلام ولا مياسيره


أنا ماكل سور في عيوني مثل سور الصين = لو أنه من حيود طويق تشييده وتعميره


سلام الله سلام من هنيا لين يوم الدين = على اللي لين يوم الدين وغجلاله وتقديره..


..علينا دين وأنا من رجال ماتخون الدين = يوالون الملوك ويحفظون العهد والجيره


أبو راشد وحي هاك الحجاج وحي هاك العين = و عد من الصفات البيض لين تروح في حيره


لا يتعبك السفر في مكرماته طالما من وين = ليا هبت ذعاذيع الكرم هبت تباشيره


ليامنك ذكرت يديه كن مال الرجال يدين = لو انك تطلبه يعطيك ثوبه فك ازاريره


همايل السحب من كل ديره سيلت ضلعين = ولو كفوفه سحابه كان ما خلت ولا ديره


اقول انه ليا مر البحر صار البحر بحرين = ما اقول انه مثل حاتم وحاتم من مساييره 


مهوب أمير من زري البشوت وحبة المتنين = أمير من ظهر ذاك الأمير وبطن الأميره


متون الأرض لو يمشي عليها مثل أبوه اثنين = نبت في كل شبر وكل بقعه حبة شعيره 


اعرف من خلقت ولا بعد شفته ليا هالحين = سوا مره .. ولكن سمعت لسيرته سيره 


محبينه بما فيهم من الميتين والحيين = ما تنطق من الكلام إلا كثر خيره كثر خيره


يا تركي قله اني في بريده من شهرين= تعنيت لسلامه مير ردتني جماهيره


ووصله سلامي من هنيا لين يوم الدين = وانا اللي لين يوم الدين واجلاله وتقديره


عليه دين مع أني ما شفته غير شوفة عين = واخاف اني لأموت وهي الاولى وهي الاخيره