بحر الأشعار موجه لا ارتطم فيه = مع معانيه لي وقفه ولي لده


وقفةٍ غير ميقاف الهواويه = بيني وبينها هجمات مرتده


ولدةٍ ما تخللها الرومنسيه = في نظرها تسل السيف وتحده 


الله أكبر على عصر الهلاليه = فات وقدته وشعره كل يعده 


أتوجه عليه ولا معي نيه = أرخي الحبل مع شعري ولا شده


كل ماجيت أغني لي بقافيه = هاجسي وده يغني ولا وده 


كدروا صافي أجواه العليميه = لين هانوه أهانه ولعنوا جده 


ثلث شعار ساحتنا حراميه = يحسبون القصايد حده و رده 


هيه يا للي تحب الشعر و متيه = اسمع العلم مني والخبر وده 


كان تبغى القصيد اللي معانيه = كنه البحر في جزره ومده


اقر لأستاذ شعار الكبايره = من شواط الخليج ليا بحر جده 


في الشواعير ما مثله ولا زيه = كن الإبداع من يده ليا يده


لقبه خيرة ملوك السعوديه = باللقب واشهد انه جا على قده 


شاعر آل سعود وناره الحيه = اسمه اللي يماري به على البده


فيه من كل الطيب وعز ماريه = في العطايا كريم ووافي المده 


المدايح فيه ميه على ميه = ومدح الاجواد ما يحتاج مسوده