أتلفتني لفتة عيون المهاة  = وعشت منها يا محمد في كبد


أندوشت وقلت يالله الثبات= يالله انك ترزق السامر جلد 


راحت الفرصه على المشفى فوات  = لا حصل له لا وداع ولا وعد 


والله أعلم بالليالي المقبلات = يلقحن وإلا يجن حيل بعد


يا محمد وردتين ناعمات  = وجمرتين بينهن مثل البرد  


وفوقهن سيف عليه الفاترات = ناعسات ما سلم منهن أحد 


كنها تكتب على موتى وصاة  = والرموش السود تحفر لي لحد  


والجروح اللي بروحي خافيات  = التوى حبه عليها وانعقد