أغلا هديه نلتها في حياتي = لي الشرف مدامك اللي تمده 


ديوان شعرك غايتي وامنياتي = حراير السامر لغة مستعدة 


رمز القصيد اللي يجيله طراتي = جزل المعاني بينها مستمدة 


يا سيدي عدابك الطايلاتي =  قد قالها مولاي من قبل مده 


لك خادم البيتين  ثبت نباتي = يا شاعر آل سعود فعلك نعده 


فيك الكرم والطيب والمجد باتي = وتخوض بحر الشعر جزره ومده 


لقيت فيك أعظم جميع الصفاتي = منها على المحتاج عطف وموده 


ومنها تواضع نفس مع حسن ذاتي = ولي نخاك بفزعتك ما ترده 


إتورده عد الفخر  والنجاتي = وتشيل همن كان قبلك يضده


قولي صحيح أسوق روحي زكاتي = طاريك فاح بزود عطره ونده 


يا سيدي والغذر  منك غناتي  =  المدح يمك ما بعد جيت حده 


لو سطروا فعلم جميع الرواتي = حرام ما وصلوا طريق تشده 


تفرق مثل فرق السماء للوطاتي = درب المعزه لك فراش ومخده 


يا معرب الجدين تاج السماتي =  منهم عظيم  المجد بيحت سده 


من يم حاتم نجد نهر الفراتي = زبن الدريك اللي ثنى السيف قده 


معتق رقاب ٍ للحكم خاضعاتي = بالمال والجاه الكريم إستعده 


هذاك أبو خالد مقر النجاتي  =يمناه بفعال الكرم مجرهده 


اسمه لنا رمز الفخر والغناتي  = إسعود قد الفعل والقول قده 


والجد الاخر له يزود إلتفاتي = حرٍ نزع بالطيب لقصاء مهده 


لو كان غاب أفعاله مخلداتي = صفحة شرف لمحمد بكل مده 


والشعر حققلي جميع أمنياتي = قلت إمدح السامر وقال أنت بده