ذكرتني يا وجه نجد وعلاويه =بيتٍ كتبته فالليال الخوالي 


واليوم قلبي فوق قبة مراكيه =الشكوى لله لكعته الليالي 


ومن لاتكى من قبل رجليه بيديه =والله ما يرقى على ايات عالي

أول زمانك ما يجي مثل تاليه =شرع الليالي بين مر ٍ وحالي 


لا شفت منهو باين ٍ الخلل فيه =خله يروح وقاطعه لا تبالي 


لا تلحق اللي ما يودك مشاريه =وثق حزامك في مقاضيب غالي 

العشق عدٍ كدر الحظ صافيه =وحلفت ما تنتل دلوه حبالي 


واللي يقفي ما تتبع خطاويه =شم الأنوف تعيبني والرجالي 


والمقبل اللي حطني من هقاويه =يقدع مسافيطي ويشرب دلالي 

خل شراني طول الايام شاريه =تطيب من طيبه على الطول حالي 


الحب جرح ٍ ما تبين سطاويه =إلا بقلبٍ من هوى العام خالي 


ما طاح شفي دون شين وانا ابيه =وفقه من العالي عزيز الجلالي

تستاهل اللي ماله أحدٍ يحاليه=اللي لعب بأهل العقول الثقالي 


شاعر وأبوك سعود وأوضاعك أوكيه=ولا حسدتك شي يا راس مالي 


الجرح ما هو جرح قلبي واداويه =الجرح لا قصّرت باللي عنالي 

بحر الغلا لك في فؤادي موانيه =يرسى بها وصلك على كل حالي 


ما غير أدلل شوق وصلك وراعيه =عليك منك وفيك كثر اشتغالي 


أفخم مساكن مهجتي ساكن ٍ فيه =شيّخت نفسك بالوفاء والدلالي 

الطيب بالطيب يقنّّه ويقنيه =وخذني أنا على سبيل المثالي 


طيبك فعل بي شي ماقدر أجازيه =حسبي على طيبك وويلي لحالي 

الشرع ما يعرض على غير قاضيه =ودعوى بلا حجه سرابٍ يلالي 


الطيب يظهر لو على الناس تخفيه =أردها من واحدٍ ردهالي