قالوا كريم وقلت بالحيل بالحيل  = شيخ ٍ يمينه بالمكارم سخية 


وقالوا حشيم وقلت شيخ الرياجيل  =  شهم وحكيم وسمعته عالمية 


غيث القلوب وبارق  الطيب والسيل = رجل الوفا والطيب جزل العطية 


شيخ المراجل والفعول المقابيل =  رمز الشهامة والوفا والحمية 


في ساعة الشدة قوي وحلحيل = مطنوخ وافي من رجال ٍ وفية 


نسل الكريم  وفارس العز والخيل = سعود شهم وطيبته حاتمية 


طيبه تعدا نجمة الجدي وسهيل = بالمرجلة شهمٍ عزومه قوية 


بينه وبين أهل الشهامة مواصيل = ميزة فريدة نعم ذيك المزية 


يالسامر المحبوب  جيل بعد جيل = عاشق دروب  المجد روحه  وجيه 


كنه طويق وفزعته تعدل الميل = عند العرب له حشمة وقابلية 


أمير وسنافي ومن طبعه أصيل = نعم الرجل نعم الفعل والهوية 


وافي ومن طبع الوفي يوفي الكيل = حرّ ونظراته بعيد وعلية 


لا ما لفاه الضيف يلقى التساهيل = يقضي لزومه باهتمام وروية


يشهد له التاريخ خبره وتاهيل = عون الخوي لا أحتاج فزعة خويه 


في مكتبة تلقى  وفود ومراسيل = بين العرب ما شفت مثله وزيه 


من الذكاء ما فيه نقصٍ وتقليل = محنك وأذكى الرجال الذكية 


يذلل الصعب بعطا اليد تذليل = وان صعبت الدعوى يحل القضية


نهجه على مبدأ ولا فيه تبديل = أول والاول منزلته أوليه 


أنهار خيره بالعطا تشبه النيل = أنهار خيره بالمكارم غنية  


في كل ديره له مشاريع ويشيل = صعب المواقف باليمين الندية 


وافي ومن روس الحرار المشاكيل = له وقفت ٍ وقت الشدايد جرية 


فزعة  ضعيف ٍ ما لقاله محاصيل  = هموم صدره بالضماير خفية 


يدعي لبو راشد مع الصبح والليل = دعوة صدوق ٍ صادق بكل نية 


وكم من فقير  صاح ودموعه تسيل = يدعي لبو خالد صباح وعشية 


فرج همومه من حياة الغرابيل = بعد العنا صارت حياته هنية 


فالبيت ساكن فارق الهم والويل = = بجهود أ بو خالد  تحت ظل فية 


تحت البراد ويشرب البن والهيل = مع أسرته صارت حياته هنية 


أبو اليتيم اللي قليل المداخيل = اللي على كبده لهيب ٍ وكية 


يشكي من هموم الفقر والبهاذيل  = ما ترقد عيونه وحاله شقية 


هذا كلام الصدق ما فيه تمثيل = تشهد له أفعاله وعندي بقية 


في مدح أبو راشد تزين المووايل = بركان شعر ٍ ثار مني وفية 


منظوم ومرتب بكل التفاصيل = الأشعار في مدح السنافي طرية 


للشعر في مدحه وطيبه مداهيل = مدحة وسام ٍ لي وحق ٍ عليه


الشعر والشاعر وزين  التماثيل = قصايد ٍ بالحيل جزلة وحية 


أحلل أشعاري على الصدق تحليل = قول الرجال أهل السلوم الأبية 


الطيب والناموس ما فيه تأويل = الطيب شامخ والليالي مدية 


جمايله للناس نور ٍ وتجميل = أطيب من الطيب وزيادة شوية 


شوق الهنوف أم الرموش المظاليل = فيها الحضارة والوصوف بدوية 


قصايدي تبرق وترعد محاميل = بالمدح والتقدير عذبة نقية 


في مدح من طيبه ورى الجدي وسهيل = رمز الشهامة والوفا والحمية