حيو السامر معي زين السلوم = والتحيه بالزهور امعطرات 


الامير ابن الامير الي عزوم = التحيه له عدد كل النبات 


وحيو السامر معي عد النجوم = وعد هتاف المزون الممطرات 


انت امير وفالشعر قلبك يعوم = مثل يخت فالبحور المظلمات 


انت امير وكل امير له رسوم = والنفوس الطيبات امكرمات


انت شاعر وابن شاعر ومحشوم = وانتم اللي كاسبين الطايلات


عزنا من عزكم جعله يدوم = آمنين فاديار وفالفلات


ابشرو بالخير والخصم امخصوم = روسكم مرفوعة فالعاليات


 اسرة آل سعود وافين العلوم = بارك الله فالنفوس الطيبات


يركبون الخيل والبطن محزوم =وسهلو كل الدروب الشايكات


اسرة آل سعود يجلون الهموم = والشجرة الطيبه خير وثبات 


والملك عبد العزيز الي جزوم = لانوى قطع الفيافي مايبات 


جعل دين الله على الدوله يدوم = ويرحم الي صار في قبره رفات 


يالله انصر دولته دايم ودوم = ياعليم بالعلوم الخافيات


الحكم مازان من حب الخشوم = زان من فعل السيوف الرهفات 


والحكم ماهوب هرج بالحلوم = الحكم مثل الجبال الراسيات


دولة التوحيد مافيهم ظلوم = ولا تحركهم رياح عاتيات


تنصر المظلوم وللعليا تروم = والشجاعه فعلهم و المعجزات 


خادم البيتين بالحق مخدوم = مخلصين والنوايا صالحات 


كل شي يفنى ودين الله يزوم = والعدو مهزوم واهل المنكرات 


قوة التوحيد تاصلهم هجوم = هجمة الي يركبون العاديات 


عندهم للمعتدي نار وسموم = وعندهم لهل الجهاله طايرات 


واقفين للحثاله والرخوم = بالجنود الصايله ومدرعات


وعندهم للمعتدي جيش يهوم = لامشو مثل الرياح المعصرات 


تلبس الاكفان ماتلبس اهدوم = والمدافع تشتعل ومدرعات


والصقور الي على الصحرا تحوم = تضرب الموقع وترجع سالمات


والعدو حظه ردي ومهزوم = والارهابي ماتهنى بالحيات


وشله الارهاب دايم في غموم = ضايعين وتاركين الواجبات 


الوطن دونه عيون ماتنوم = فالنهار وفاليالي الشاتيات 


والمواطن للوطن قلبه رحوم = والمحبه فالقلوب امخزنات


وحيو السامر عدد وبل الغيوم = وعد من هلل وكبر للصلات