يا لله يا للي تعلم السر والغيب  = طالبك أنا يا رب منش المخيله 


تحفظ أبوي سعود ستر الرعابيب = لعل أيامه بجاه ربي جميله 


سعود هو أبوي ما عنه تجنيب = نعم أبوي سعود وانا اعتزيله


صيته شهر ما بين ربعٍ واجانيب = شيخٍ يخلص العميل وعميله


من عقبها سلام ياكسب الطيب = سلام يا أميرٍ أفعاله جليله 


غطيت يالسامر على الزير وكليب = واحد وتعادل بالفعايل قبيله 


أقرب حدث يا عوق كل المطاليب = اقرب حدث يا شوق عندن أصيله 


تكريمكم زعيم كل المواجيب = ذاك الزعيم اللي يحل الثقيله 


أبو فهد سلمان عز الأصاحيب = واللي يعاند سيدي عزتيله 


سلمان معروفٍ يحل الأصاعيب = يفزع مع اللي يزبنه يشتكيله 


خمسين عام مرتب الوقت ترتيب = بين الدوام وبين ناسٍ تجيله 


لعل عمره يشبهك يالنبي شعيب = ولعل سنينه بجاه ربي طويله 


ولو كنت يالسامر كثير التراحيب = سلمان ما تغليه ولا تنتميله


وحبه ما يسكن بالضلوع المحاديب = وحبه بقلبك يابو راشد تشيله 


ما تعبت نفسك ترخص الكيس والجيب = مبالغٍ تدفع على أحسن وسيله 


سيفن مجرب ما تبيلك تجاريب = ومثلك لفعل الطيب قلبه دليله 


يا شاعر آل سعود مابك عذاريب = الا الكرم والطيب مافيك حيله


الطيب يجي من عند ربي مواهيب = وانته كسبت الطيب وايضا زميله


يامير زميل الطيب معروف ومصيب = فيك الكرم يامير يلقى حصيله 


شيخ ولد شيخ وذيب ولد ذيب = لعل فداك الخبول الرذيله 


ويفداك بخيلٍ ما يعرف الموجيب = ما يعرف الا مكتبه والحليله


يبا يسوي مثلكم لكن اصعيب = وده ولكن ما في يديه حيله


خبلٍ يغثرب صافيات المشاريب = ما حصل الا الثانيه والفشيله


الا انت كسبت الطيب كسب المحاريب = ناسٍ تسوي مثل فعلك قليله 


حاتم سكن ذيك الجبال المراقيب = راح وتركها وانت حاتم مثيله


صار الكرم الضيف وأنت المعازيب = يعشقك مثل عشق الخليل لخليله


واثني على شبل الأسد منقع الطيب = ابن الحصان ومن سلايل اكحيله


هذاك هو راشد عطيب المضاريب = راشد فرق بالطيب عن كل جيله 


بين السعود وبين اشيوخٍ مناجيب = خاله ابن مكتوم يحمي ادخيله


وابوك يا راشد قوي المناكيب = ابوك مع خالك اسيوفن صقيله


بكره نشوفك في كبار المناصيب = وحملك لوانه جايرٍ ترتكيله 


وعساك يالسامر زبون المواجيب = تبقى يابو راشد اسنينٍ طويله 


عساك بخيرن يا كثير التراحيب = زبن الضعيف اليا تضايق بجيله 


ومني تحيه عد حرف المكاتيب = تنصاك يا ساس الكرم والفضيله