[TABLE=width:70%;background-color:transparent;background-image:url(images/backgrounds/20.gif);][CELL=filter: shadow(color=silver,direction=135);] هذه القصيدة في سمو الأمير/ راشد بن عبد العزيز بن سعود آل سعود [/CELL][/TABLE]
يا راشد الدنيا حظوظ وتوافيق = والعبد ماله غير ما الله قسم له
حقك علينا لا طرقنا طواريق = اصعب طواريق الشعر نحتزم له
نرضي مخاليق ونزعل مخاليق = ولا ننوخها على بيت نمله
أهم شي طويق وبن أخي طويق = اثنين يفداهم من الناس جمله
الفوز برضا هالثنين المطاليق = يسوى من العملات عمله وعمله
ولا ان بيبان الضماير مغاليق = ما كل وجه يبتسم نبتسم له
وأنا معاهد والعهد له مواثيق = إني لحفظ إله الوفا والتزم له
يا كثر ما فرج عليه من الضيق = جمايله في موقف الضيق جمله
مناكبه للحمل فيها معاليق = يوم ان غيره يا الله يشيل حمله
الشاعر / سلطان بن وسام الهاجري
|