جال فكري فالمضامين الجزال = ينتقى منها رفيع المنزلي 


ينتقى من در حص من الثقال = نادر مايوهبه غير الولي 


زعفران وهيل فاح من الدلال = وفالمجامر طيب عود مجملي 


الوفا لمعزبي واف الخصال = سيدي عبد العزيز الفيصلي 


أبو راشد لاعدمنا ذا القبال = مدهل لشيوخ نجد الكملي 


عدٍ أحلي من المصفى والزلال = ما تغثرب جمته موح الدلي 


طيب ساس وطيب عم وطيب خال = والعديم سعود نعم المنهلي 


شامخ فعله على روس الجبال = حاتمين صيرمين صاملي 


حاتمين مدته في كل حال = يغتني منها الفقير الممحلي 


صيرمين فالوغي يوم النزال = يسقي العدوان شرٍ منزلي 


صاملين لا كثر هرج وجدال = يبجد العالم بعلمٍ يصملي 


مؤمن دينه على نهج العدال = تابع سنه نبيه حنبلي 


شوف عيني وقت بره والوصال = واصل ف سعود جعله يوصلي 


كاملٍ طيبه ولله الكمال = خالقه خلاق خلق معتلي 


جمله ابيات من أجمل ما يقال = مقصدي منها ثنا للفيصلي 


طالبك يالله يا عز الجلال = يالكريم اللي لجوده يسألي 


تجعل اللي قلت يلقى له قبال = في فؤاد اللي لقولي يصغ لي