والله لأحث إلك الركايب ولأجيك = وا ليا الشرف يا سيدي لك إليا جيت


ما جيت أنا الآ لك  وأنا جيت أهنيك = على الوصول إلموطنك يوم حليت


ويا مرحبا وأهلين يا سيدي فيك = يا مرحبا حييت من حيث ما جيت 


ترحيب مشتاقن يعزك ويغليك = معزتن لك في ضميري بنت بيت 


واهلا هلا يا مير نورت اراضيك = يا السامر إبن سعود يا ذايع الصيت 


يا عز من لا عز إله لا عتزا فيك = يبشر إ بعزه لأاذ بحما شفاليت 


يا مدرك نوماس جدك وما ضيك = يا لشامخ اللي للمعالي تعليت


انت الأمير اللي بعيده مراميك = وانت الذي في سكه المجد بنيت


ترقا صعيبات المراقي مراقيك = ورقيت في كل المراقي ومديت 


وعطيت من مالك وساهمت بيديك = وفي سيدي سلمان اجزلت أعطيت  


جود وكرم وامجاد عليا إتباريك = وفي ساحة الشعار اسهبت واثريت


وعلى العزاز الصلب ترسي مراسيك = ومن جود ابوك الموقفات استمديت


وبالنايفات امشيداتن مبانيك = اصروح مجدن شامخاتن لها ارهيت


وذكرك ينومس كل ما حل طاريك = وعند الشدايد صامدن ما تخليت 


شيخ على دروب المراجل إمضريك = قل عثرته بسماك يا راعي البيت


ويا سيدي حس المشاعر اتناديك  = وانا لسموك يا بو راشد تنقيت


عذب القصايد والمعاني اتناديك = وفي مقدمك من فرحتي فيك سويت


ويالنادر اللي ما تعدد حسانيك = ومن يجحد المعروف هيت ولدهيت


إمنجبك سماك وانا بسميك = والمعذره يامير كاني تعديت 


بحر المكارم والله إني لأناديك = وطميت يابن اسعود الابحار طميت


فعلن نشوفه شوف ما فيه تشكيك = يا راعي الطولات كفيت وأوفيت


ويومن هذي يا بو راشد مباديك  = لا تلومني يا سيدي لا تعنيت