سلمان مجد الرياض وعيد سكانه=مدري من الأول بعيده من الثاني


 الثابت ان الرياض اسمه وعنوانه=في صفحة المجد مختومه بسلماني


 للدين والعلم فتّح كل بيبانه=خلاه درة مدن في كل الأحياني


 وسع مجاله على كيفه وميدانه=وأصبح رياض الموحد عز الأوطاني


 في جوهره بالتطور شكّل الوانه=بيان للعالم بأسره وتبياني


 ومن كل عابث يريد الشر به صانه=وقبله معزي حماه برمح وسناني


 وصفّاه من عالم ٍ به مالهم خانه=نجد الوطن بيت قاص العُرب والداني


 لولاه ما يامن الراعي على ضانه=الشاهد الله وخلقه هاك الأزماني


 أمن ٍ نعم به مجير ٍ جار جيرانه=وحجو لبيت الله وطافو بالأركاني


 جاها وهي من فساد الناس خربانه=طهّر ثراها بحد السيف شاماني


 واليوم سلمان طوّر نجد ما هانه=حقايق ٍ شافها المبصر بالأعياني


 بالحب له شف قلوب الشعب مليانه=لو ان حبه ظما لاموت ظمياني