أمير القلوب اللي خذا الطيب بذراعه=وعقبه خذا صدق المحبه بالاجماعي


بالاحسان جته قلوب الاحرار منصاعه=ملكها بطيبٍ فاض ما كيل بالصاعي


فروسية الشعر00بمعانيه وابداعه=تجلا لمن طاريه عطر ٍ للاسماعي


عشقه الثنا واعلن له السمع والطاعه=وهو عشقه من المرجله جزل الانواعي


من أول شبابه للعلا بان مطلاعه=إلى اليوم ما باراه بالطايله ساعي


طمع غيره الدنيا00وهو غاية أطماعه=رضا خالقه00ولكايد الطيب نزاعي


سنا مجده وجوده ملا الكون باشعاعه=زعيم المكارم كلها هجس واطباعي


ملاذ الضعيف ومن بوقته قصر باعه=والايتام00بعد الله 00هو اللي لهم راعي


وفي كل مسعى خير ليدينه زراعه=وللجيش يشهد ما صنع فكره الواعي


تطور عتاد وصفوة رجال بتاعه=أسود العرين الى دعا للفدا داعي


ومن قدوته سلطان ما تاه مرماعه=عظيم ٍ حكيم ٍ00عادل بكل الاوضاعي


مشاهير جزل الجود لخطاه تباعه=ومن نور فكره يقتبس كل بتاعي