جيت من نجد دار العز والاستقامه=يم باريس مالي غير شوفك مرامي


 جيت أهني عضيدي بالشفا والسلامه=أنت اخوي العزيز وبالشدايد حزامي


 أبو تركي عريق المجد00ساس الزعامه=كل طيبٍ خذا به بين جيله وسامي


 الكرم والسماحه والوفا والشهامه=أربع خصال فازبها رفيع المقامي


 الله اللي عطاه العرف وأعلى مقامه=بينت به مواري الطيب قبل الفطامي


 كل ما كبر سنه جسّد الحلم أمامه=مجدٍ لأمة الإسلام والعُرب حامي


 هامته ما علتها بالزمان أي هامه=قاصده ما يخيب ومن حمى ما يضامي


وأخذ الدرس من فعله وصادق كلامه=منهل ٍ حكمته يروي بها كل ظامي


 من معين الفهد شرب الحزم والفهامه=ونقض حبل العظايم بالفعول العظامي


جعل في عالي الجنات للفهد إقامه=وهبةٍ من كريم ٍ يحتفي بالكرامي


 وأنت عزك يطوّل يابو تركي دوامه=يا سنا فجرنا في مدلهم الظلامي


 طال عمرك00ويهناك الشفا والسلامه=جيت من نجد مالي غير شوفك مرامي