[TABLE=width:70%;border:1 solid green;][CELL=filter:;]
طهــور يا اخــــو الفهد
[/CELL][/TABLE]
طهور يا اخو الفهد يابو الفعول الجسام=ما بالعرب والعجم مثلك بعصره عظيم
طهور يا سيد الجود وملاذ الكرام=يا جامع ٍ سطوةٍ تخشى وكفٍ كريم
طهور يا نورنا في مدلهم الظلام=يكفيك شر المرض والسِو ربٍ رحيم
طهور يا محقق ٍ بالطيب كل المرام=يمناً تمد الجزيل00وراي راس ٍ حكيم
طهور ياللي شمل خيرك جميع الأنام=أغنيت معسر00وعالجت المريض السقيم
طهور يا مظلل ٍ بالعطف والاهتمام=من لاذ بك شاكي ٍ من ميل الايام ظيم
ياللي لكل الفضايل في يمينك زمام=ما بين راسك ويمناك الفخر مستديم
طيبك الى ضاق ميدان الفخر بالزحام=يصير للطيب كله يابو خالد زعيم
يفخر بك الشعر وانت أعز واعلى مقام=وتخفر بك الدار واللي في ثراها مقيم
يا كثر من يرفع يدينه لمنشي الغمام=في تالي الليل يدعي من بخلقه عليم
يدعي بخفقات قلبه قبل نطق الكلام=ويلح بدعاه للرب الكريم الحليم
يجزاك طول العمر ويزيل عنك السقام=يا ماسح بعطفك الفيّاض دمع اليتيم
الله يزيل الألم ويصير برد وسلام=ويحفظ للامجاد راع المنهج المستقيم
عيد الوطن والمواطن مثل عيد الصيام=شوفتك عقب الغياب بقدرة الله سليم
ابنك المخلص عبدالعــزيز بن ســعود بن محـــمد آل ســعود - جنيف
| 
الرئيسية
القصائد
الأخبار
الصور
البطاقات
الفيديو
