مايتعب الرجل الكريم إلا الكريم اليا ملكه=وانا ملكني اكرم العالم وشيخ الاكرمين


ياسيدي فعلك معي بالله وشلون ادركه=وانا لو اضهرلك عيوني ماتوفي نصف دين


ياوجه الارض وفكرة المبدع وند التهلكه=ياصدق من دعاء الغريق اللي غرق ماله عوين


يامروض درب العطى واللي يفكر يسلكه=يامعلم العالم وش الدور الحقيقي لليدين


ازعلت فيك اهل الردى والكذب واهل الصعلكه=وارضيت فيك المحسنين الصادقين المخلصين


ان كان انا وشعار جيلي في غلاك بمعركه=يبطون والرايه معي من دونها حبل الوتين


شلفاي قدرك وامتطي شورك واعرفه وادركه=اقدمت والدافع غلاك الله على الواجب يعين


والا القصايد من حكي والهرج مافيه بركه=لو امدحك مليون مره اسف وعذري سمين


علمتني كيف الزعل لامن تمادى اتركه=وعلمتني ان الصبر منجاة وسلاح ويقين 


وانا يابوراشد عرفت ان الجمل مستهلكه=خص ليا جيت ارتقيلك وانت رمز الاكرمين