ناظر بعينك كثر مستقبلينك=أهل البلد واللي من البعد عانين


 ملوا مطار القاعده محترينك=لك بالسلامه يابو تركي مهنين


 هذي نتايج برك بوالدينك=وطيّب فعولك يا نزيه المضامين


 ياللي تباشير السعد في جبينك=عطفك وجودك به ملكت الملايين


 قلبك حواهم واسعدتهم يمينك=بالجود والامجاد يابن الإمامين


جدك وابوك بطيبهم جاذبينك=نهجت منهاج الملوك الميامين


 بذلت من دنياك في حفظ دينك=واسعدت من للعز منك متحرّين


 رسم النجابه بك من اول سنينك=لدت لك الأنظار ما اكملت عقدين


 نظرتك عليا عن وطا حاسدينك=بنيت مجدك فوق نجم السماكين


 حصاد زرع الطيب شفته بعينك=اليوم غير اللي ثبت لك من سنين