المجد والتقدير والطيب كله=فيك انت من بد المخاليق يختال


 ان كان به شخص الوفا مثل ظله=هو انت ما فيها بعد شك وجدال


 يشوف عندك طافر البخل ذله=عليك صعب مطمن الروس يحتال


 وفيك انت يلقا الوصل مجده ودله=باقصى العرب والجد والعم والخال


 يا من حويت العز دقه وجله=سبحان ربٍ مانحك به سعة بال


 ان كان به للطيب شرع ٍ ومله=واصبح سجايا بالمخاليق وخصال


 ما غيرك أحدٍ بالمكارم هل ٍ له=انت الوصي المخلص بكل الاحوال


 خليل مجدٍ عز عنهم وخله=يوصي به الراحل عن الدار نزّال


 يابو حجاج ٍ بالشهامه تفله=عليك من فهد العرب طيبة الفال


 ودرب الوفا لك كل حي ٍ يدله=تكبر بك احلام ٍ وتحيا بك آمال


=[HR]