سلامتك من كل شر ٍ ومكروه =  يامنتهى طيب الوفا والشهامه 


 قبلي خفاياالفضل بالغيب هنوه =امبشر ٍ فالرابعه  بالسلامه 


  من حبه الله جملة الخلق حبوه =وأدام عزه بين خلقه وأدامه 


حب  ٍ بفنجال المحبة تقهووه =شعب ٍ محبة مجد الأمه همامه 


 مكارمه للحب والمجد مدوه = مدة ندي  ٍ من نداه ومقامه 


 قومة فهد للي خصومه تحدوه = فعله على الفزعات يسبق كلامه 


 فهد الاضاقت عليهم ونادوه = من لاذ به يارد وتارد حيامه 


 وكل المزايا اللي ورثها من أبوه = اليوم كل أمجادها بستلامه 


 الله لحد مابه على طيبه أخوه =فرق على غيره بعز و كرامه 


توارثو مجد المواجيب واغلوه = على الذي من ضيعة الراي سامه