لولاك ماعددت الايام للعيد=وما اشتقت له إلا علشان شوفك


العيد يا معتاده أصدق مواعيد=لا تعتذر به يا حبيبي ظروفك


نبي نشوف العين والخد والجيد=ومنقوش حناك الحمر في كفوفك


اقرب ولا تبعد عن اعيوني بعيد=اعيش لحظه بين امانك وخوفك


عذب اللما في عذب نهر المواريد=وقّف وطوّل في عيوني وقوفك


اشوفك افراحي على كيف ماريد=واجمع تناثر في خيالي وصوفك


زدني غلا واخلاص بالحب وازيد=طاعه وشوق ٍ نايفٍ مثل نوفك


احب فيك الحب يا شيخة الغيد=واحب اشوف الليل يكسي كتوفك