اسمك فنارٍ في عتيم الميادين= يشوفه بعيد المدا والموالي


وشلون مافخربك وابوك أحمر العين= أبوك شقران الوفا وانت خالي


الطيت لك والعز دايم موالين= يومك بواجب مجدهم ما تبالي


سلطانها عند اختلاف الموازين= لا ضيّعوها بين مرٍ وحالي


أهديت تاجٍ للسباق ونياشين= ورفعت مجد تراثنا بالعلالي


واحييت عز تراث حمّاية الدين= بهاك السنين الماضيات الخوالي


الأوله لك واكثر الناس دارين= يشهد بها التاريخ في كل حالي


والثانيه لاجات بين الحفيفين= خذت السبق لو هو صعيبٍ محالي


سلطان وافعالك بوقتك سلاطين= اموفقك ربي عزيز الجلالي


 صارت مشاريعك بدارك عناوين= وساهمت فالنهضه بجاهٍ ومالي


 اليوم مايحتاج فعلك براهين= ياكاسب الأمداح باول وتالي


الطيب عندك يسبق العطف واللين= تورّد به اللي شاف ضيم الليالي