بسم الذي يستجير بعفوه المستجير = سميت ثم السلام وثم بابدي بها


ما سقت رجلي لغيرك يا سمو الامير= لو تاقف الناس واتنادي على بابها


إيمان مني ابفعلك وانت فيها جدير = أشوفك اسمي دروب العز وهضابها


سمي من وحد الدوله ولالك نضير = وبتتعب اللي وراك وتنكف اركابها


ابوك هدي المراجل والسراج المنير = تروي افعوله ورفعة من تقدى بها 


لك سيف خالد وسهم ٍ من كنانة زبير= في علة اللي لفاك وفنيت أربابها


على اليمين الندية والمحيط الغزير = ما ينقصه كثرة الغرفه وشرابها


شاعر ملوك الجزيره والمحيط المثير= جامع وصوف الملوك وندرت القابها


سماك راع الحجاج الطلق عله الخير= في جنةٍ من رضى الرحمن يرقا بها


خادم بيوت الله الاول وسيف ٍ شطير = فهد خلاصة اسطور المجد باكتابها


لو يرجعون الفرزدق ونستعين بجرير = ابداع قيفانك الطاغي ولا جابها


يامير رجلاً حدرها من علو الضمير = امدثره من زمن وضلوعه اترابها


لما حداه النصيب ولا لقا له مطير = ويشوفك اسما دروب العز واهضابها


سمي راشد وعد اني ولدك الصغير = ابدي لك اللي عسر صبري ولا اشقابها


ما دامني فاحتزامه بك وحبه خشير = من بعدها كل حاجه ماحسب احسابها


انا ولد شيخ مزبن في يسير وعسير = الحيل والنار والدله وصبابها


في مدهل ٍ ما تعذرها قليل و كثير = لو كانت اللي ورى القدره بمطلابها


مشتال من حمل من قبل لاكبر واصير = من عيني العينها لا كشرت نابها


ويثقل الركب ويطول علي المسير = وانا حظوظي حطب والوقت حطابها


ليا قبلت ما تقيت وباعتقاد المصير = اوثق حبال الرجا واذن بمحرابها


تلك الليالي يداولها الولي القدير = بين الأمم والسعه ما غيب اسبابها