سالت التنهات والفكر انتوى =  أتذكر وأعذب الذكرى عذاب    


  قال سلطان الوفا له والهوى   = الفهد ليته بها فوق التراب   


 واعذاب الحال من طول النوى=المطر فيها غدا مثل السراب


ربعت وإلا امحلت عندي سوى=يوم ذاك العز عنها اليوم غاب


النفود اللي من السيل ارتوى=قد مشابه لا نشا غر السحاب


ذكرياتٍ ضج فكري ماقوى=يستعيد من الوفا عشر النصاب


الفياض وكل بر وما حوى=في عيوني كنها قصرٍ خراب


والله أنه بالسياسه ماضوى= مثل هاك الشيخ مهيوب الجناب


فيه مجد الوصل والحب التوى=فارقٍ طلعه وهو توه شباب


بينكم كني ورا سقط اللوى=أجزل الله للفهد عظم الثواب