كلٍ يقول الزين كله بخلي=أكيد ما شافوا من الزين حاجه


ما شافوا اللي رمش عينه مظلي=قلبي تكسر منه كسر الزجاجه


خلٍ ذبحني بالغلا والتغلي =ربيع قلبي شوفته وابتهاجه


هو روح روحي هو بعد كل من لي=لا شافني زعلان يضحك حجاجه


ويفز لي فزة محبٍ يهلي =هو طب جرحٍ ما عرفتوا علاجه


وليشاف غيري صد كله رضاً لي=حتى نظر عينه عن الناس عاجه


ما غير أناظر بالخلايق تسلي =والله علم عن خافقي وش مزاجه


أوادعه ودموع عينه تهلي=ما باعني قلبه بموسم خراجه