مبشر ٍ بالخير في كل الأحوال=يا سيّد أهل الطيب والغانميني


 ومبشر ٍ بالمجد يا ماض الأفعال=ومبشر ٍ بالعز في كل حيني 


 أنت الذي في حومة المجد نزال=يا درعنا من ماضيات السنيني


 يا محقق ٍ للمملكه كل الآمال=يومك لمجدٍ راسمينه ضميني


 منازلك بالعز ما هيب تنطال=شيء ٍ يبين وشيء  ماهو يبيني


 مناهجك تنجب صناديد وأبطال=وشعبك بحبك كلهم مجمعيني


 ما طاب لي كيفٍ ولا راق لي بال=ما غير أهوجس بين روحي وبيني


 أناجي اللي للصعيبات حلال=رب الملا أرفع بالدعا له يديني


 من مدة أيام ٍ وهذا هو الحال=وأنا على الشدات قلبي متيني


 قصر الغلا لك به ثلاثين مدخال=وسبعين باب لحاجة المستحيني


 الطيب من طيبك بهم طيّب الفال=تخفي يساره ما تمد اليميني


 يا مجدنا يا ظلنا باشهب اللال=الوضع بك في كل حال ٍ يزيني