كيف اكتب الشعر وانت الشعر ياسيدي=كيف ارسم الطيب وانت الطيب والوانه 


أحس عقد القصايـد ينفـرط  بيـدي=ومن لهفتي..خانني معنـاه واوزانـه 


هذي عماق البحر..يافكرتـي صيـدي=من لولو الشعر مـن دره  ومرجانـه 


وش فود شعري..ويش يفيد تغريـدي=ياللي بنيت الشعر ثم عْليـت  بنيانـه 


لو ماعليك انت (يالسامـر) اناشيـدي=ياموطن الطيب يـا أرضـه وبلدانـه 


ياوارث الطيب من جملـة صناديـدي=ياواهب الشعرأجمل واعظـم  الحانـه 


مافيه شاعر وفـى للشعـر ياسيـدي=الا انت ياسيّدي وعليت مـن  شانـه 


ولافيه طّيب يشّـف المجـد ويْزيـدي=الاانت لنّك سليلـه واعظـم  اركانـه 


واليوم ابكتب علـى دفتـر مواليـدي=ميلاد شعري على العنـوان والخانـه 


اليوم هذا ...نعم..ميـلادي  وعيـدي=كتبت نقطة لبحر..طيبـك  وعنوانـه