اللغز حله حرمه والجزاء حل=لوغاب بأن و عالم الغيب واحد


الدم فوق الحد من عنق مسحل=من فوق رأسه رأس بالعين صاهد


بنت(ن) تشد الحل بالحل تنحل=تغازل السايق على الدرب ناهد


تأمر وتنها مالها حال ينحل=واللي عصاها دونها الأمن جاهد


حل الثنين أسرع من الحل يمحل=لونه على حله شهد مايعاهد

ياغانمين الحل حله الي حل=كلايراة بناضرينه ويشاهد


يبين في ليل الدجاء لاتمحل=والنجم حله والمعاني تصاعد


نجمآ ضلامه من ضلامه تكحل=زينه علامه رجم للي تناشد


لغزآعلي معناه صعب التمضحل=صاغه حكيم الراي بالعرف ناقد


يقوله الي يم داره مشاء حل=وانته علي تصميم الالغاز نايد

ياغانمين الحل ماحولكم حل=حله بعد ماحلله ناس واجد


من يكرب المسمار لا صار منحل=و يحصله لو ضيعه بالصياهد


و الغاديه لو هي ورا حد الاكحل=وسمي بها باكور مطرق و شاهد


ماحلها سحمي و لاحل مسحل=و ماحلها محمد و لاحل حامد


عندي و انا سالم لو الشرف سحل=و للسمن عكه و النخل له جرايد

يامدورين الحل في الخد الأمحل=مثل الذي يزرع رمال الصياهد


ياسيدي يامخاوي المجد الأفحل=بين اكبر الشعارواملك شواهد


ياشوق ريم تخفي الطرف الأكحل=ترمي العباة الخوف ينقال ناهد


الحل عندي لكن بغيض لو حل=ان الطلاق الحل ياتاج راشد


الثلث طلقه والحرم عكسه الحل=مكتوبة وسط الكتب في المعاهد

الحل حل اللغز بالحل ينحل=(الحل) حله لويبي له مجاهد


القاف واقف بالصعايب منحل=ومصممه بالشعرمبدع وجاهد


واللي تمعن قوت اللغزواسحل=مايعتبر شاعر مثقف وفاهد


من الدلايل صعب قاف(ن) امرحل=ولغز بلا قاضي وداعي وشاهد


كالحل يفصل حل بالوقت عن حل=ويبدي له من النجم نجم يشاهد 

لشعر ديوان العرب به تكحل=حلال حله ما نحايل ملاحد


نحال وحاول حيلته ثم تبحل=تحلل وحاول حيلته قبر لاحد


حول مقيط وحيلته حبله انحل=وأحوال حال إرشاه حوله ولا حد


حاولت في حله وحله يبحل=وأحيلها حولك لحالي وواحد


وأحب تحيا بالتحيات ترحل=حولك وتحيا بالمحبه تواحد

لسامر اللي لافتل فتل ماحل=بحره غزيرومبحل ناس واجد


فكرت بالأثنين والحل مبحل=العين هفت والرموش الشواهد


الشوف نعمه والبصر نور للحل=ظلمه موحل لفقدنا المشاهد


العمر لحظه وأخر الوقت يرحل=والرجل ماينلام بعد المجاهد


ياسيدي قل هي قبل لاتوحل=الحق بين ثنين والله واحد

يالسامر العامر والاميزوالافحل=بين اكبرالشعار واملك شواهد


الحل عندي ياابيض الوجه الازحل=نسل الاصايل والد القرم راشد


ياشوق ريم تخفي الطرف الاكحل=تلبس عباة الخوف ينقال ناهد


الحل عندي لكن بغيض لو حل=ان الطلاق الحل والله يساعد


الثلث طلقه والحرم عكسه الحل=علم يدرس في رفيع المعاهد

كل شي له مخرج وكل صعب ينحل=وكل فايت(ن) ينعاض والخيرواجد


إلا مرور الوقت ما فاد به حل=ليا راح راح ولايفيده ملاجد


والساعه اللي دوم تاتي وترحل=شاهد على قولي ولااحتاج شاهد


عقارب الساعه تمر وتمرحل=سم"ن"على الاوقات ساطي وباجد


اغنم قبل لا العمريفنى و يمحل=وترى الغنايم بارتياد المساجد

انا عرفت اللغز واوجدت له حل=لو كان قبلي حله الفين واحد


يالله عساني المركزالاول  احتل=كم لي اشارك ماحصل لي فوايد


راحت وهي تبكي وتنوح وتولول=تبي الثلاث الي لها حلم واعد


لاقادره تغفر ولاناويه تمل=تب تنهي العشره بفرقى وتباعد

يقول ابن شعثان في وقت أمحل=من المحال أحدت قبل التواحد


وأمسيت أكحل تامن الليل تكحل=وأحتل ما محتله إلى اللواحد


مع النبي موسى عصا تبجس أكحل=من الحبوس وروس قوم تشاهد


تحلحل الحلحيل لما تفحل=وإنحل حل حل فيه المجاهد-


وإنحلت يوم أنحلت حبي لمن حل=علي على يوم اللقا والمصاهد

ياسيدي كانك عن الحل تسأل=خذ مني الحل الصحيح المحايد


قلته وأناأتوقع عنه ماني بجاهل=ومنكم يابوراشد كسبنا الفوايد


قول الخلاوي في ثلاث المراحل=شباب ثم شايب وثم للحايد


هذا جواب اللغزكامل مكمل=هذا جوابي ياوسيع البنايد


عساني برايي يابوراشد أدل=في ظلكم ياطيبين العوايد

مراحل الازمان معنا تمرحل=وماللعمر غير الليالي موارد


وسهيل لامن حان في موعده حل=ماهوب يستاذن زحل اوعطارد


والحي له ساعه الى جات يرحل=كل(ن)على حوض المنيات وارد


الوصل غيث العمر والعمر يمحل=والا ترى محد(ن) علي الارض خالد


 كل شي غير الوقت يدرك وينحل=و (عقارب الساعه)على القول شاهد

ياطيبين الفال عندي لهاحل=ومالي وراها ياجماعه مقاصد


احب راع الطيب لن راح وان حل=للطيبه دايم نقوم ونجاهد


من عهد ابوتركي ياسيفن انسل=حقق منانا والمقاصد مقاصد


عشنا بامان وخير والخير للكل=ماروحت مابين حاقد وحاسد

اقول انا سلمان هذا هو الحل=اميرنا المحبوب راع العوايد


حبه يغذيني مع العرق الاكحل=ويسوقني سوق الغرايس بقايد


أب وحبه في الضماير تفحل=يشهد على ما اقول مافي الجرايد


اما الثلاثه سلم والسلم يرحل=والثلث سم ولام يهفي و شارد


يبقا للف والنون فيها اتكحل=من شان اشوف الجائزه شوف صايد

أبغض حلال الله طلاق(ن) تفحل=يفرح به ابليس اللعين الملاحد


الأوله طلقه عسيره وتنحل=والثانيه طلقه عليها شواحد


وثلث(ن) ذكرته يجعل الحال ينحل=من ينطقه ذاق السموم اللواهد


رمعه ونوب الرمع للعين يكحل=جهده ونوب الجهد يضمي المجاهد


والختم صلوا عد ما محرم(ن) حل=على نبي(ن) خاض كل المشاهد

يامير جاك الحل من عند منحل=نحال جاب الحل والهيض واجد


من لايعرف النحل بالنحل يجهل=ولا يفرق بين نحله وعارد


حزت النحل في محل والردم في محل=وعندي المهفه والعتاب المساند


وجبت السليل اللي من النحل ينسل=ولدغ النحل يامير في اللغز وارد


هاذي الثلاث اللي بها العقل يشغل=المبهمات المفردات الشوارد

ياسيدي لغزك حسب ماتوصل=انه محبك وانت والشعر شاهد


على حسب ماجاب فكري ومادل=أنه صحيح وكل ماقلت واكد


للغزتحليلي هوالحل الامثل=أقرب له المعقول لوهمت واجد


عسى كلامي بالنجاح ايتكلل=وحول الهدف لاعل مرماي راكد


والحل جاك وزبدة الهرج مادل=بشر لعلي فزت به يابوراشد

اللغز له معنا عميق(ن) تفحل=حدوا له التفكير واجد وأناآحد


وإن كان به ناس(ن) بها الفكر يمحل=فكري يحلل له وللياس لاحد


يامير لو إن (النحل) فالدير حل=نبي (عسله)اللي يسر المشاهد


دوا المريض اللي من الهم منحل=اللي منول للأطبا معاهد


واللي شكن اكتوف جسمه لها حل=(سم النحل)يشفي من أوجاع ضاهد

حييت يامحيي محل كل ممحل=ياقايد اجموع الأدب وانت واحد


بالمجد لك رايه وبالشعر فطحل=وبالطيب لك كل المدى يابوراشد


اللغز لعقول الرجاجيل يبحل=والحل يبي اللي بفكره يجاهد


الاسهم اللي بالمراحل تمرحل=حتي رحلت باموال ناس(ن) تكابد


الله يوفقني وبالفوز أكحل=عيني واشوف اسمي بكل الجرايد

اللغز فتل وكاتبه يطلب الحل=وانا على النقضان ماني متكاود


دورت حل اللغز في كوكب زحل=وعودت للمريخ وارض العطارد


 قلت الهرم من بين ثلثينه محل=وثنتين قبل الموت في الحل تارد


بعين الصبا سن الكبر به تكحل=من عقبها تفنى حياة المجاهد


الله جعل سن البنادم مراحل=وهني من في العمر راكع وساجد

ياللي كتبت اللغز له عندنا حل=سلمان مابه غير سلمان وارد 


يفتل حبال وينقض حبال ويحل=طيب وكرم وللفقارى يساعد


كم واحدن جسمه من الهم ناحل=لاجاء لسلمان المشاكل لها حد


هذا الجبل ولاالسواحل سواحل=صعد الى العليا بليا مصاعد


نسل الرجال الأولين الزواحل=منهم عضام الاش قامت تراعد

عليت للعليا وقلت اتعلل=في حل لغز صعب بالحيل واجد


يم البحر قمت امتطي واتقلل=مطية للقوم بالصبح هاجد


فهد..معقبها لنا طيب الدل=يوم ان بعض الناس ياذيب راقد


ان قلت حوايل على الناس تثقل=وتسهل على مثلك ومثلي وراشد


الحل جالك يم فهد حوايل=هذا وانا لله شاكر وحامد

الحل اذا مخطيت بيصير منحل=والله يعين اللي بذل جهد جاهد


الأوله مرباع شيخ تفحل=بين الرجال وصابهم جوع لاحد


والثانيه مشراب ذود محلحل=الوقت حله ولتوا بالبياهد


والثالثه ميزانهم صار مضحل=السيل جاهم وارتفع للشواهد


حليت انا حل يخيك تبحل=وحطيت لغز وحل في أن واحد

يا غانمين الفكر عيا يتحلحل=إلا بعد طول الصبر و المجاهد


مشيت في روض و في قاع ممحل=من روضة التنهات لين الصياهد


و لقيت حل اللغز في الحرم و الحل=عقارب الساعه لا قامت تطارد


لكل واحد دوره يشد و يحل=و الصح وارد و الخطاء معه وارد


كم من مشاهيب تشب و تسحل=و أنا ماجبت العلم من راس مارد

اللغز حليته وحله تحلحل=القاف يوم القاف حله تواحد


بين على ذيك الثلاث السواحل=ماحد غيره بين اليوم ماحد


واحد وثم واحد و واحد وينحل=حله بحرف وحلحله بالمجاهد


وثنين جنك تتبع الحل في حل=بيتين في أولهن يشوف المشاهد


ثمان وثمان ثم حله يرحل=يم بيت امير لكسب الامجاد عاهد

الحل واحد لو تكاثرتو الحل=لو هو بنفس الوزن والقاف واحد


ذاك الطلاق اللي بفرقا تكحل=كحل الفراق ولاصلوف التواحد


وإن كان حاله من فراقه تحلحل=يقصر طلاقه لايجي سم لاهد


إما طلاق(ن) يضمنه لاتنحل=وألاطلاقين(ن) وفيها المعاهد


والثالثه باالمختصر لاتمضحل=لارجعت(ن) فيها ولا له مشاهد

الجل حل اللغز واللغز ينحل=والحل له تحليل بالحل وارد


ومن لايحله عنه بالحل يرحل=وانارمعت الحل (بالحل) جاهد


ومن لاتوصل جوهر الحل وش حل=يصعب وصول الحل والقول واجد


وصعب القوافي وقفت قبل تمحل=والسامرلها صار مبدع وناشد


ونجمن تعلى واعتلى نجم زحل=يوضي شعاعه بالسما نجم واقد

العشب خضر بعد ماكان ممحل=واليوم سر العين ماهي تشاهد


اللغز وده في عيونه يكحل=ويدرسونه في جميع المعاهد


حيث اللذي قاله فحل=ماتفحل غير الكرم والطيب يبغى مجاهد


والحل عندي دامني عارف الحل=وان مارمعت الحل ماني مباعد


سيفين مع نخله برمزن يحلحل=الاصل والمنشا ومن كان شارد

ياطالب للحل طيفك ترى حل=وسط الضمير وبالحشا صار واحد


من طيبكم شهم البوادي ترحل=يطلب لقاكم جاحد كل جاحد


حله بغيض عند ربي ومنحل=بإذن الذي يشهد على كل شاهد


حله (طلاق) بعد زينة ومكحل=جاب الثلاث وضمهن باللواهد


يالله عسى حلي مع الجود يرحل=وأفخر ببو راشد سلام ومشاهد

ياسيدي حييت بالرحل والحل=تحيتن مانالها كل واحد


ومن عقبها ياسيدي اللغز وانحل=بحلله تحليل شارد ووارد


هذا النحل ياسيدي راح اوحل=على الخليه يالامير يتوافد


ينتج عسل بالشمع ماهوب يبحل=يعني به الانعام والخير واجد


واللي جحد فضل النحل شخص منحل=السم ابرتها مرض كل جاحد

ياسيدي وادي الشعر دونك امحل=واللي يبي كسب العسل له يجاهد


اهلا هلا بك سيدي لغزك انحل=ولو هو بعد ماحل ودي اعاهد


 انك لسان الطيب من وين ما حل=وانك حكيم اقوال وبالفعل فاهد


ياسيدي السامر ابمد واكحل= عيني برمعة علني له اشاهد


 عقارب الساعة ثلاثة رواحل= واحدهم العقرب به السهم ضاهد

اللغز ياشعار واضح ويندل=لاهل الفكر مافيه ناقص وزايد


 يجب حله عاقلآ ما تعجل=ويعرض على اللجنه محلل وناقد


حلآ صحيح وصايب الراي مازل=انه آكل الربا وكاتب وشاهد


يمحق بركة المال وألله به أنزل=أيات تحريم الربا والفوايد


أكله عذاب أن كثر بالفعل وان قل=ولا يجلب إلا شر كل المفاسد

انا قريت اللغز وارسلت لك حل=اخوان بالاسلام والرب واحد


شاعر وامير وكل مشاعرك فل=وجدي لجدانك من اول معاهد


 مثايلك تقول يفرش لهازل=ولااتعب الى دورت للقول شاهد


هاذي ثلاث نجوم يبرد بها الكل=دم ودسم والثالثه سم لاهد


باتلا الشتا وقبل الشتا وقته يزل=ويوم بعام احسابهن عمر ناهد

العين والدربيل والشوف يصقل= مع المشير الى الدبير المساعد


 يالربع من شاف الجمل ويتمهل= بالوسم والشاهد وطرحين فاقد


 مافوقه الا مزهب الطير والخل= وأنا ورى الغبرا وداحس تساند


والحل هو الحل ياطيب الدل= يا راعي الرمز الجديد المعاند


والحظ مثل الشمس يلحق على الظل= والعدل بالميزان والامن سايد

يارب وفقني على رمعه الحل=في لغز من مثله بالالغاز ماحد


السامر الي بالمراجل تكحل=واخذ بها الاول على كل واحد


الاسره الي حكمهم ماتحلحل=وحنا لهم في كل يوم نعاهد


اخوان نوره سيف عزن لنا اكحل=اقولها والله حسيب وشاهد


هذا الطلاق اللي به الخل يرحل=اللي ثلاثه ثلثهن سم لاهد

حاولت في لغز الحلاحيل وأنحل=وقد حاولوا في حله ألفين واحد


أحد يصيب الحل وأحد توحل=وحله ماهوب محال جوف الملاحد


هذا الطلاق اللي له الفكر يرحل=من دونه العالم تجاهد مجاهد


أبغض حلال يودع الشمل ينحل=اللي على لمه يصير التعاهد


الزوج والزوجه كما عرق الأكحل=هذا الكلام اللي عليه الشواهد

ياشاعر بالعرف شعرك تفحل=الشعر له مينأ ورحلة مجاهد


اللغز فرقا اللي عيونه تكحل=ثلاث طلقات وبعدها تباعد


وبعد الطلاق امواجه البنت ماحل=حل الطلاق وبيتها بعدها هد


ترحل رحيل اللي بدارن تمحل=من عقب ماهبت سموم الصياهد


أن كان اصبت اللغز قلي تحلحل=وان كان ماجبته بغيره مواعد

الله من لغز"ن"له الحل ما حل=من شاعر ما يشبهه اي واحد


شاعر تقول الغيث بالارض لاحل=يحيي الجديب اللي به الموت راكد


الشاعر اللي وين ماكان او حل=وياه جوده وفي المواقيف شاهد


 اللغز يا سيد الرجاجيل منحل=وحله "قلم والحبر واوراق واجد


 والا تراني منك يا شيخ في حل=وترى الخطا يا سيدي دوم وارد

يالشاعرالسامرزعيم الفطاحل=أشواق قلبي يمكم مالها حد


درست لغزك من جميع المراحل=وأزريت أحله بس ضليت اجاحد


 فكرت لكن قلت عقدة وتنحل=هذايجي من بعد عقدوتعاهد


هذا الطلاق وبين الازواج لاحل=يفصل علاقة بادية بالتجاهد 


تم الجواب وبالغلط قلنا حل=جهدي بذلته وانت عينك تشاهد

ياالسامر الشاعروفي شعرك الفحل=أتاك شاعرمن نواحي براحد


احزرعلي البندق تسيب وتمحل=كي تنفعك في الضيق لاحدنصاحد


صفرارصاصتهاوبارودها اكحل=خوية القرم الشجاع ال مجاهد


تكسرعظام الذيب والنمر لسحل=وان حشفت عظم الصبي باتقاهد


حلي ذخيرتهاواراهن علي الحل=والحكم عندالمستمع و المشاهد

يالسامر الضرغام لغزك ترى انحل=وفكرك على الساحة يامير مستاحد


ومحلول فكري يابو راشد تحلحل=فحاد دونه حال و اللغز فاحد


يا شوق عذراء لك قامت تكحل=انت الذي لنصرة الشعر عاهد


الوسم و الشاهد اظنه هي الحل=وش عاد لو حلل فهيد وفاهد


لغزك سمين ما اظن يوم ينحل=ولا يضهدك يامير يا قلت ضاهد

القاف قام يلوح ويلوح ثم حل=وانا جمعت اثنين واحد بواحد


غيث السحاب امطر على البيد وامحل=امحل على قاف (ن) يسمونه آحد


شوارد (ن) تأمر وتنهى وتكحل=عين القصيد الها دليل وشواهد


قال الجهل في تالي الوقت برحل=والعلم يافهاد رده لفاهد


اما نقول اللغز جبناه وانحل=والا نجوز من القصيد ونعاهد

يامنشي الماطرعلى كل قاحل=أنت الذي بأمرك تهون اللواهد


أسألك في ساعه من الليل الاكحل=تصلح نوايا العرب واللي معاهد


كم جرح ينزف حيل والجسم ناحل=وياكم طرف(ن)دايم الدوم ساهد


عج الذخايرمثل عج السواحل=وياليتهاضدالعداء ويل ضاهد


لكن تنازعهم تعدى المراحل=عقب الصلح في بيت رب الشواهد

يا أهل المناحل والحلا عندكم حل=حل النحل وأصبح يطير ويجاهد


يأخذ من الشهد المصفى ويرحل=ينصى الجبال اللي مزنها تراعد


ويرجع على بيته لو البيت ممحل=فيه الخدم لجله تحوم وتساعد


لا ناش له ديره يخيم ويحتل=وليا آمحلت ماعاديقوى التواجد


سم وعسل فالنحل ياللي تبا الحل=ياحكمة الله وأنت ناظر وشاهد

في يومنا ترحال وحل ماحل=حللت أناتحليل للحل واحد


ربي خلق(نحل)وبناله مناحل=من بطنها زاد واحد


حلو المذاق وحل في كل منحل=طعام طيب طب والله شاهد


حي القلم يوم يحل ويحلحل=وحي الشهد في الشعر والشعر يشهد


أنك يأبو راشدتحل ولا تبحل=شعرك شهد ويشد جمع مشاهد

ياناسجين سوال سهل ومسلسل=ومجمعين مشتتين الشوارد


اللي كمثل النحل حول المناحل=اللي على طرق الخلايا توارد


انا جوابي يازعيم المراجل=عقارب الساعه بليا تواعد


وثلثها عقرب ولو هو مغلغل= بالسم يصبح راعي الوعي فاقد


جوابنا مشاركات وتواصل=يامير ياشاعر جموع وفوارد

الصيف راح وصافي الوقت ممحل=وين الربيع اللي يعم الجراهد


والسامر اللي لأجمل الشعر محتل=واسقى محبينه لذيذ القراهد


هذا العسل ياسيدي عندي الحل=وانته لفعل الطيب طبعك مجاهد


وكلا ليامن حل حلا وحلل=الحل ماهوسهل عند المشاهد


وطبع الزمن يجري بالانسان يسحل=والعشب ينبت في محير الصياهد

لغزك ترى يامير واضح به الحل=ثياب يوسف هن ثلاث شواهد


يوسف بوسط البير جسمه توحل=والثوب يوم جابوه للكبد لاهد


افعالهم دايم على الناس تمحل=الى فعل شينه لقومه يعاهد


والضامن الى ضامن الشوف وكحل=والى شهد في قدت الثوب واحد


هذي بيوت اللغز بالحال تنحل=لغزك جميل وبالمهمات راشد

يامير حل الغز صعب وتفحل=والمشكله قاف القصيده على احد


لقيت حله بين رحال ومحل=شاعر ولاني لشواعير شاحد


دورتهن يامير وخذت لي حل=وستوقفني في طريق المعاهد


حمرا وخضراء وصفرا تمضحل=واللي قطعهن لازم انه يجاهد


وان كان ماهو حل يامير في حل= حنا حروب ولانبوق المعاهد

	وقد انطلق لغز سمو الأمير عبد العزيز بن سعود بن محمد آل سعود ( السامر ) الشعري وذلك عبر ( جوال السامر ) والذي صاغه سموه بحبكة شعرية محكمة ستخلق جواً تنافسياً شعرياً قوياً .. حيث يقول فيه : ياغانمين الحل في حل ماحل = حلل قبل تحليلكم كم واحد ماحلله وانحل نحال منحل =وان حل انا للحل ماني بجاحد فكر..ودورها ولاابيك تبحل= احسب ثلاثة حف ضامن وشاهد هفت مهف اللي مهفه توحل = يبي الثلاث وثلثهن سم لاهد دلل علي الاثنين بالحل ترحل = للمركز الاول من افكار زاهد وستكون الجائزة مقدارها 100الف ريال موزعة كالتالي : المركز الاول ( 40 ) الف ريال المركز الثاني ( 20 ) الف ريال المركز الثالث ( 15 ) الف ريال المركز الرابع ( 10 ) آلاف ريال المركز الخامس ( 5 ) آلاف ريال المركز السادس ( 5 ) آلاف ريال المركز السابع ( 5 ) آلاف ريال علماً بأن الحل للغز يجب ان يكون بنفس القافية والوزن وعدد الابيات وترسل الحلول على جوال السامر الشعري 88111 وقد حدد سموه نهاية استقبال الحلول بيوم 29/8/1428هـ الساعة الخامسة مساء . وقد اعلن سموه اسماء اعضاء لجنة المسابقة وهم : الشاعر الكبير/احمد الناصر الشايع الشاعر والاعلامي القدير/راشد بن جعيثن الشاعر الكبير/عبدالهادي بن حفيش الشاعروالاعلامي/زبن بن عمير وفي شأن ذي صله يعد هذا اللغز هو الثاني الذي ينطلق من جوال سموه حيث كان حل اللغز السابق هو الأمير سلمان بن عبد العزيز آل سعود وقد شارك فيه أكثر من 250 شاعر