سلام ياسيفٍ على الطيب داحوم=يا القادر النادر ويا افخم فصيله


 يا ذيب ياشامخ ويا شبل شغموم=كم واحد ٍ  يبغى سموك عميله


 الطيب في مثلك من سنين محسوم=يانادر ٍ ماشفت مثله بجيله


 سؤالكم ماهو بواضح وملغوم=منه يكن الراس وسطه قبيله


 وعلمني الرحمن حله بزيزوم=حلٍ  على ماقيل وفيت هيله


 هذا السراج اللي معلق و مزموم=سبع الاراضي لاحشا ما تحيله


 يشرب وقوده سم واقول زغوم=ولا شب ماتلقى بليلك بديله


 يضوي بعون الله بالزيت مدعوم=انوار تقدح فيه  ياويل  ويله 


 وابيات من فكري تجي عشرة سهوم=اتنافس اللي تو جدد موديله


 واختامها عودٍ ومسكٍ ويشموم=للصايد  اللي نافلٍ ٍ كل جيله

يامن بغى العليا ترى الجود محتوم=المجد يعطى للنفوس المثيله


للخلق احكام مع الخلق وعلوم=يكسب بها الرجال خصله نبيله


من قدم اليمنى واﻹيمان محشوم=رسول ربي قال فيه الجزيله


ومن قدم اليمنى ولاهوبملزوم =كرمه صفه عن شح نفسه بديله


والقول في من وحد الله محسوم =سكنه في الجنه ماهي قليله


ولويخدم الحاكم من الناس محكوم=نشر التعاون بين ربعه وجيله


ماجاب حقه من نخا غير محزوم=الامثل من زاد على الطين بله


المجد مايرضى بنايم ومخدوم=شرى النشاما لسنين المهيله


راحت ملوك لها ملك ووسوم=ولاذكرها حد في اي مله


لغزك يابوراشد صعيب ومفهوم =اظن المطر ياالسامر جوابه وحله

من جاوز العليا تراجع عن العوم=قانع  ويـكـفي  نال  هامه  أصيله


المجد عـز قروم  ما عافت  تروم=تقـدح وترقى فوق  شـرفه  طويله


ميثاقها راسـخ  وصامد وزيـزوم=ثابت  ولا  شتى  الهـوايل   تزيله 


ليله بها من مـزج الالـحان  تعلوم=يا حـلوها أغـنت عن الأعوام ليله 


ما زين من وجه طلع فوق مهـيوم=وجه القـمر والطرف دايـم يخـيله


الوقـت زايل  والعمر سر معدوم=والاخره درع الواجـبات الجـميله 


الـموت قايـم والـمـقـابر بها لـوم=والـنار تطـمع والحـسايـف جـليله


بامر الذي يغـفر ويرحم ولا ينوم=رب السـما منجي الهـمـوم الثقيله


حامي وجـيه اللي تـناجـيه وتحوم=جنب الطواف وجنب محنه  ذليله


يا رب عـفوك والستر دايـم  يدوم=لك يا اله  مروض الأرض  سيله

من يطلب العليا رقاء راس مرجوم=يقصرقدم خطوى الردي مايجي له


يبعده عن قُرباً يورث له اهموم=يركي على كبده اسوات المليله


خلايق( ن)ماتستر اعيوبها اهدوم=في دمها تلقى الردى له فصيله


اخيرمنها البعد و اسر مكتوم=شجرة ولا فيها اغصون (ن)ضليله


والخيط ما يركز  ولو كان ملموم=عزالله انه عيد ساعة رحيله


ويا مير يا سابك من الدر منضوم=ياناصرالمضلوم زبن الدخيله


في بحر لغزك قامت افكاري اتعوم=وقضيت ليلي بين حطه وشيله


وصدرت من ديوان الاشعار مرسوم=بيان عاجل في حروفاً قليله


مفاده ان اللغز يامير مفهوم =حله باجيبه لك ولا به بديله


ذاك (السحاب)وحله اليوم محسوم=شبيه كفك بالعطايا الجزيله

يامير انا جيتك ولا ني بمهموم   = وانته ترى من طاح . . صدرك رحيله


وانا ترى لاطحت يامير بـ قوم = عز الولد . . ماهي مثل عزتي له


سلام مني يسبقه ريح يشموم = على خيول العز تسمع صهيله


ماهو بمن سرد الغلا نطق مذموم = لهفة خليلً لاتلاقى خليله


 يامير ذكرك عند الاجواد مصموم  = بس البلا شوفتك والله قليله


هاج الفكر . . والصدر من قبل مكتوم =طرقً عجبنا مالقينا. مثيله


قمت اتمعن في قوافيك واعوم = وادعي عسى بالبّحر نلقى حصيله


 والحل كنّـه بين الاقواس مضموم = (فرعون) عزه عوّد بحدر ذيله


والمعجزه من يد موسى بها كوم = ويل العدى من مارمى ويل ويله


قد قالها الي يخلق الفرد والتوم = سبحان ربن نفسنا له ذليله 

الأخلاق أعلاها في الكتاب مرسومْ =مَن حَمَلْها صارت نعوتَهْ أصيلهْ


ويخبرك عن الأيكة و عمورة وسدومْ =صاروا تراب وصارت سيوفهم كليلهْ


وتقرأ في القرآن الكريم عن علومْ =ترى علوم الناس بجَنبها قليلهْ


طيارة طار فيها للفضاءْ هجومْ =يركب متون الريح والنَّسمَةْ العليلهْ


عباس بن فرناس عاشقٍ مغرومْ =بجناح طار وهد المسافة الذليلهْ


ما يسابقها الطير بأصواته والحجومْ =هيَّ بنت الحديد وللمعادن سليلهْ


تسبح ما بين غيوم فوقها رجومْ =ما يعيقها خفيفة وزن أو ثقيلهْ


والمؤمن هو يدري أن الأجل محتومْ =وبعد الأجل بُشرى الحياة السهيلهْ


بأنهار الجنان يشرب عسل ويعومْ =ويمتع رُؤاه بظل دوحهْ ظليلهْ


وإن شاء يسرح على خيلْ ملجومْ =أو شاء يغرف عذبَهُ وسلسَبيلهْ

ان كان به للشعر فارس وزيزوم          =      يتعب على سبك البيوت الجزيله


هذاك ابو راشد ذرى كل مضيوم         =        يتعب على الجزله وعاف الهزيله


غيره لدرب الجزله يطيح ويقوم          =       وهو لدرب الطايله شاد حليه


وحده لكوم وساير الناس في كوم         =        راع الفعول الطيبه والأصيله


واللغز عندي صار واضح ومفهوم         =        فكر به الشاعر صباحه وليله


(القلب) حله بس انا غير معصوم      =           ا من الخطأ والرزق ربي وكيله


هقيتها والقلب للكايد يرووم            =     لوكان نعمه خالقي مو قليله


ترى التفائل خير والضيق مشئوم         =        واللي زرع يجني بعدها حصيله


آمن بمن خلا السمك يعرف العوم        =        وليا اشتكيت الله وحده اشتكي له


بسم الله الرحمن وابليس مرجوم          =       ومن يتبع الشيطان ياويل ويله

من يطلب  العليا  للامجـاد  ويروم   =   ذكـره زها  بين الرجال الأصيله


المجـد  للي  فالمهمـات  زيـزوم   =   ما ياسـم  إلا المفـردات الجزيله


أعلن وجاب من  القرارات مرسوم    =  الفكر  سـامي   والمعـاني   نبيله


والماهر  اللي  فالبحر  يحسن  العوم =     يغـوص  في  قزوين  والله  وكيله


سبحـان ربٍ سخر الكون محكوم    =  وأنشأ السحاب  من البحور المهيله


بأمـر البديع  الخـالق الحيّ  قيوم     = تشوف  برقـه   لابرق   فالمخيله


الأرض  تلبس  للفـرح ثوبها غيوم     = مستبشره   بقـدوم   وابل  هميله


غر السحاب  المودق الغدق  محموم   =   روت  منه  كل  العـروق  المحيله


يدريبه  الممطور   والقصد   مفهوم    =  ويجهل بـه العساس راع الكحيله                                 


والهقوه   اللي  ترفع  الراس  ويقوم    =  في  وقتهـا مثل السيوف الصقيله

على كريمٍ سايق  المـــزن   مردوم = يروي ديارنٍ  ظامــيه   تشتكيله


وكل اموره والتجا شخص مهمــــوم  = روح  زمانه  والحلم  مات  غيله


يصبر وداري بالقدر محد معــــصوم = لوحٍ  حفظ  من  يعرفه  واهني له


في عقرب الساعة  انكتب لغز  مغموم  =حله  عرفته  تحت  سدره  ظليله


متعلقٍ في برج  ينطح   له  غــــيـوم = كــنه  لهب  بركان  ناره  هويله


يشرب وظامي مارتوى وقت مصروم  = يشيب  رمشٍ ما لقى  له  مقيله


تسمع بونت من سرى عمره  مخطوم= واصبح  قهوته فوح ذكرى رحيله


تبقى الجمايل   والوفا  عند   زيــزوم    =تسخى يدينه  من  جدوده  سليله


هذاك  رميه  ماختلف   حزت   لزوم   = يطرح  برايه  كل  قوله  هزيله


صـــيته ظهر لو حاسده رادم عــقـوم   =  الســيـل  يطمر  ماترده   نثيله

ياللي كلامه مع الحس معلوم=يدري للدنيا وش هي تسويله


يمشي مع البشر يباري الشوم=وعلته مع اللي يكون ما ينتميله


عن عادات العرب دوم مفطوم=يسعى للشرف ما يبي الفشيله


وكلن على فعله بيجني المنظوم=واللي عثر من دون هوآه عزتيله


وكلن على ما تمشي خطاه مرسوم=هذا للهدى وهذاك منزوي يا حليله


وعلى ما ذكر به راعي الهموم=كل صاحب لخويه هو الدليله


النصح و الإرشاد لابد له لزوم=أما نفع ولا اللي عليك تسويله


كم و كم و كم و يالله يا رحوم=تعلم الحال وكل بايس و غليله


البشر ما تستوي كلن بدنياه يحوم=وكل رجل له بدنيآه طيحه و ميله


تعني شيء ولاهو بعني مغيوم=و تبداء بتفسير هموم طويله


سعيت بفكرك ما بين السماء والنجوم=والأرض تدور و القمر بفضآها يحتويله


واللي رفع عيسئ و بسمآه محشوم=اني أنطوي لاكن ما عاد باليد حيله


أنكان من ما ذكرت مالك علي لوم=عقل ابن آدم بفكره لزوم يعيله

قول جذبني بدع حر وزيزوم=شيخ أليا ثقل الحمل يرتكي له


شاعر هل العوجا مقدر ومحشوم=بالخير من كل العرب يندعي له


عبد العزيز اللي كسب مجد ونعوم=يشفي قلوب بالوفا تنتحي له


الشهم لامنه رمى سهم ملحوم=تقول شعر النظم عنده دخيله


نادر بحر صيته ظهر بدر شغموم=فيه الصفات الوافيه والنبيله


والجود حض له من الرب مقدوم=من طيب ابوه وطيب خاله نفيله


ولغز من السامر على الحق منظوم=حله تراه (الرحم) والله وكيله


وسطه مقر الحمل تدبير قيوم=والناس مختلفة وكل وجيله


ولا به بشر عن جملة الذنب معصوم=إلا النبي اللي فعوله جليله


وصلاة ربي عد ما مر من يوم=على نبياً حارب أهل الرذيله.

من عاش في كرب(ن) من الوقت وهموم    =   الصبــــر مفتاحه وربـــــي وكيله


محد(ن) يحيد من المقّـــدّر ومقسوم    =       كلن على ماينكتب لــــــه يجيـله


احد(ن) حياته كلها امـــآل وحلــــوم    =     واحد(ن) يكافح دون حيل(ن) وحيله


ماكل عيب(ن) يستره بشت وهـدوم    =      ولاكل من قالو شهــــم ينعنيــــله


مايلحق الطيب مشـــــاريه وعلـــوم        =   والا الردي عايش ونفسه ذليــــله


ياســيدي أميــــر شاعــر وشغمـوم       =    ذخر السيوف المرهفات الصقيلــه


اغوص في عمق البحر وارجع اعـوم     =       وطلعت بالــدره برمعه جميلــــــه


الحـــــل يرّبط بالآمانه ومحكــــوم       =       حكـــــم الخيانه والمنافق دليــــله


واختامها يالله ياحـــــــي قيــــــــوم     =        ياللي عبــــــــاده كلها تنحنيــــله


تغفر لمن ماهو من الذنب معصــوم      =        اللي رجاء عفوك نهاره وليــــــله

بسم الكريم مصخر بفضله غيوم=من مزنها تسقي الرياض المحيله 


وتنبت بها ورداً به العطر مشموم=تفرح بها نفوسً هواها تجيله 


ريضانها بالطيب والجود ملموم=وسيل المكارم بالهنا تحتوي له 


وقلب ً كساه الخير والدين محشوم=عن مورداتٍ للردا ترتمي لــــه


والله عليم بخافي الصدر مركـــوم=نفسً على العليا .. ونفسً هزيله


ومن كان لبحور المراجل لها يروم =زهب قوارب بالنقا تتكي لـــه


والبعض يهواها , ولا له سوا العوم=يكفيه نفسً عالنقا تهتوي لــــه


والبعض ضايع خامل القلب مهزوم=والقوم به متباشره في رحيله


والا الوفا والجود والطيب ملزوم=بعروق ناس ُ للجمايل عميله 


إليا خَطَت .. محداٍ من الناس معصوم=تلقى العذر والطيب ياخذ بديله

درب الـعلا  للمجد  واضح ومرسوم=لأهل   الوفاء  والطيب وأهل الأصيله


وعـاداتنا  تبقى  لو الـوقت  مـعدوم = نرقى  عن  عـلوم   الردا   والرذيله


والخير  فعل الخير  والشر  مهزوم=ومن يفعل الحسنة تجي في  حصيله


والـعدل  يبقى  لكن  الظلم   مهدوم=وبيت   إنبنا   بــالظلم   وعـزتي  لـه


ناس"  تشيل  الحقد  في قلبها كوم = وناس"  تسامـح  كـل  حقد"  تزيله


والله  رزقنا  العـقل  والكبر مـذموم=ونفوسـنا   مــن   دون  ربي  ذليله


والعز في شخص" له الدين ملزوم=وفي سنة ألي  لـه   صفات"  نبيله


وياخاتم" ظرفه ترى اللغز  مفهوم = وأنا  أعــتقد   مـافيه  حـل"  بـديله


هذا الأجل وإن جاء مقدر ومحتوم =والله   يــقصر عـمر  والله   يـطيله


حنا  نـموت  ولـكن  الحي   قـيوم= سبــحان  من  يعلم  وعـلم   وكيله

قريت لي قاف كما العقد منظوم=والا كما الرحمه بعرض المخيله


لله در اللي نظمها على اوم=ذيك البيوت الناهيات الجزيله


عاداتنا عادات وعلومنا علوم=من ضيع العادات وا عزتيله


سلم لنا يرقابنا كل مرجوم=تلقى بسنه مصطفانا دليله


ومن طبق السنه عن الميل محشوم=مايستميله فعل قوم مميله


واللغز يالسامر مترجم ومفهوم=والجايزه بين العميل وعميله


هذا هو الدجال بالكفر موسوم=قومه من اصحاب الردى والرذيله


ولاشك بامر الله محارب ومهزوم=ومدحور عن راع الفعول الجميله


هذا وانا للشعر بامر الله اقوم=كني على ظهر المهار الاصيله


ويافارج الكربات عن كل مهموم=اعوذ بك عن كل عجفا هزيله

تاريخ ينهض لاهل المجد ويقــوم=يبي له رجالٍ عزومه جزيلــــــــه


والعز يبغاله من الناس شغـــــموم=والمـــجد يكره للعزوم الهزيلــــــه


ولاّ البخيل اللي من الشح محــزوم=لا نافعٍٍ ٍ نفسه ولا من يبـــــــــــيله


ومن يظلم العالم يــكوم الاثم كــوم=والعادل اللي كلنا نلتـــــــــــــجيله


الواحد المعبود فردٍ ووقيــــــــوم=ولا خاب منهو ساهرٍ يشتكــــــيله


وكم واحدٍ متكبرٍ صار مضيــــوم=وكم ظالم حظه غدابه ملـــــــيله


ولا كل شاعر يجلب الدر ويعوم=لازم حلول اللغز غصبٍ تجـــيله


وحل اللغز صار بالشعر منظوم=هذا السراج بشمعتــه مع موديله


وان حام ليلٍ واصبح الجو معتوم=دوره جزيل من قديم ٍ بجــــيلـــه


اشعل فتيله واتركك فوق مزمـوم=في ما مضى واليوم شئٍ بديلــه

       (( من يطلب العليا فلا يرخـص الســــوم =     المجـد ما هـو قسـم ٍٍ نفــسٍ بخـيله ))


        1 صدقت يا صـدر ٍ ملا القاف يشـــموم   =    وعجز ٍ شهر فيه الحصان بصهيله


        2إفتـل يابو راشــد مـن الحـــوم للعـــوم     =  بتــار ياهنــــد الســيوف الصـــقيله


        3 ظـرف حضن له خط  شاعر ومرقـوم    =   ودفنتــــها بيـن العمـــــيل وعمــيله


        4  كسرا نحت حكمه على راس مزموم    =   قاســي وله  قـــدر وصـفات ٍ نبـيله


        5 ودبــي  جنــة والفــضل لبن مكتـــوم     =  شــهر بهــا بيـن الســنين المحــيله


        7 و العمــر رحــله والقبر شــي محتوم    =   لو طولـــت لأبـــد  يعــــلن رحيـــله


        6 ماضل في جدة سوا الشـيخ جمـجوم     =  يــزرع  غرايســها  فسـيـله فسـيـله


        8 ومن ياكل من الثوم يصبرعلى الثوم    =   لابد ما يومــي  للشـــورك  شــــليله


        9 كم واحد ٍ من بعض الاشوار مصدوم   =    وكم طــاح تو  الخــــيل قبـا ٍ اصيله


      10 ماني  لكشف الظرف للخلق  ملـزوم  =     ابو صمــيل يعرف وش في صمـيله

1/ عبد طلب ربه من الحزن مكلوم =يرجي رضاه ورحـــــمته والجـــــــزيلة 


2/ وعفوه وستره دام للعمر مرسوم =وحشر (ن) مع محمد رسوله خليله 


3/ والناس ماتملك لها شي معدوم =وكل (ن) مع المضمــــاة يسبر صميله 


4/وكم واحد(ن) لوهو محنك وشغموم =عيت مقاديــــر الزمـــــــــن لاتجـــي له 


5/وتجري بنا (( الاقدار)) والعمر محتوم =مااحـــــد(ن) بمــــيت لين ياخـــذ حصيله 


6/ جاريت من عدى على راس مزموم =الي بهماته صـــــعد قبـــــــــل جيــــــــله 


7/ مثل الحصان اللي بالامجاد موسوم =مابين حين وحين نسمــــع صــــــهيله 


8/ من شجرة(ن) ماتنبت النبق والدوم =شجرة حسب لاهل السيــــوف الصقيلة 


9/ واقبل تحياتي على جناح لملــــــوم =حــــــرن تنـــــــومس هــــــدته فالخميلة 


10/ وآخر كلامي ريح خم خم ويشموم =وصلاة منـــــــــي للنبـــــــــي وتهليـــلة 

يا سيدي للشعر حاكم ومحكـــوم =واتنه حكمة المفرده الجزيلــــــــه


يا ىشاعر آل سعود يا حر ملحوم =صيدك من الشرَد مهيب الهزيلـــه


دره من ابداعك بها ريح يشمــوم =عنوانها(عادات وسلوم)أصيلـــــه


عقد ٍ من اللولو ثلاثين مبــــــروم =والجوهره للعقد صارت حليلــــــه


فيها منارات الهدى تكسر الحــوم =ويشوفها اللي بالنظر به عقيلـــــه


الدين والأخلاق وسلوم وعلـــــوم =افضل وثيقه سجلت بالبجيلــــــــه


واللغز حله رمعة ٍ فوق مزمــــوم =يا الله عساها ما تعود محيلـــــــــه


هو الأجل والاجلْ مقَدر ومحتــوم =النفس يا تيها ولا هي تجيلـــــــــه


الله كتب الاجل والرزق في يــــوم =عمر الملا محدود ويلقى حصيلــه


احد ٍ كتابه في شماله ومكمـــــــوم =واحد ٍ على يمناه بجنه ظليلــــــه     

1- خمسة عشر ليله وانا اغوص واعوم =في بحر لغزك يالمعاني الجزيله


2- هموم قلبي كوم واللغز ذا كوم =ويجيك حلّ اللغز يوم ارتكيله


3- راسي تلاطم موجه احلام وهموم =وحظي عن الاحلام ينهض شليله


4- حظي واخبره كل ما حاول يقوم =يهومها لكنّ ما تستويله


5- ياشاعر ال سعود والوضع محسوم =جبت الكحيله وانا راعي الكحيله


6- لغزك بوجهه علم ورسوم ووسوم =وانا خذيت حكايته من عميله


7- اللّي يقع ويقوم ويحاول يهوم =ولاحصل له غير زبدة صميله


8- كم من عجوزٍ تنتخي فيه ويزوم =لكنّ معكم مايداني الدبيله


9- يطيح دون اللّي مهو فيه مهموم =وامّه على دمّه حياته جميله


10- كم بنتٍ تغذيه من درّ مزموم =واليا تفجّر هزّ عجز القبيله

لـبـى خيـال ٍ يسبـح البـحّــر ويعـــوم =في وسـط غبـات البحـور الـخلـيــلـه


خيـال بـيـطــار ٍ من الـروس زيـزوم = راع البـيـــوت الاولات الاصـــيـلـه


الســـامر الطـامـر على كل شغـمـوم =  اللـي طـغـى ذكـره على كـل جيــلـه


اللـي تخـيّـــر فالرجــال ال مكـتـــوم =  مايستـوي لـلـجـزل غيـر الجـزيــلـه


لازادت ارقـوم الـعـرب زاد برقـــوم = حـفيـد من سن السيــوف الصقـيــلـه


هذاك ابو تركي رجـا كـل مضيــــوم =  اللـي ليـا مـال الـدهـــر يرتـكـي لـه


يـوم الـقبـايـل كلـهـا قــوم وخصـــوم =   وحّـــد قبـايـلـنـا قـبـــيـلـه قـبـــيــلـه


وبعض العرب لو تدفـنـه مال وهـدوم =مـاينـعـقــل لاصـار مامن عـقـيــلـه


صار (الوفاء) بين العرب شبه معدوم =  مادام مـابـيـن الـخـلــيــل وخـلـيـلـه


النــاس فيـها غش واصحـاب وغروم =  ماكـل خـلــق الـلـه عـبـاد ٍ نـبـيــلـه

ياللي تبي العليا ودايم لها تروم=لاتحوز عن سلم العرب والقبيله


انزل بحور الطيب واسبح بعد عوم=وإصبر على صفق البحور المِهِيله


وخلك على سرك حريصٍ وسكتوم=لو كان كبدك تحترق بالمليله


وخلك حكيم الراي واصبر يزيزوم=من صاح من شي الا ولازم يجي له


وضيفك مكرم عزيزٍ ومحشوم=يدخل عليك وبضِيافتك تحتمي له


وخلق التواضع زين والكبر مذموم=الله خلقنا وآدمٍ ننتمي له


وعز الخوي لو تقعد الناس وتقوم=ماتحول من بين الخليل وخليله


الله من همٍ على صدري وكوم=خلت ضلوعي سوات الهليله


يارب يارحمن ياحي ياقيوم=ماضاقت الدنيا وانا ارتجي له


ماجى من الدنيا مقدر ومحتوم=لو كان في دمعك دمٍ تهيله

سلام ياتاج الفخر خير زيزوم=يا نادر ٍ بالطيب واطيب فصيله


ياللي تحوز المجد والدرب مزحوم=كم واحد ٍ وده سموك خليله


الطيب في مثلك من سنين محسوم=يانادر ٍ ماشفت مثله بجيله


سؤالكم ماهو بواضح وملغوم=منه يكن الراس وسطه قبيله


ومكّني الرحمن منه بشغموم=حلٍ  على ماقيل زينت هيله


قمر صناعي بالفضا دوم مزموم=سبع الاراضي لاحشا ما تحيله


يشرب وقوده سم واقول زغوم=حتى يطير ويلتقي في عديله


يطير بامر الله بالعلم مدعوم=انوار تقدح فيه ياويل ويله 


وابيات راسي صغتها كنها سهوم=اتسابق اللي تو صمم موديله


واختامها ورد ٍ وفل ٍ ويشموم=للنادر اللي سابق ٍ كل جيله

لغز ٍ من السامر بالاشعار محكوم=عذب المعاني دارج ٍ سلسبيله


خياله الواسع بالابيات منــظوم=حكمه ثمينه بالبيوت النبـــيله


والمجد ما ياتي اباوهام وحلــــوم=ومطالب العليا عزوم جزيلـــــه


وراعي الكبر بالذل ساكن ومنهوم=وراعي البخل محروم لو عاش جيله


وظرف تعلى الناس واجبال وغيوم=هذا الدعا رب الخلايق وكيلــــه


وبين العباد الظلم ذنب ٍ ومذموم=ولا يرغبه غير العقول الضلـــيله


والظالم الجاير بالاثام مرجـــوم=لا بد من وقتٍ يحصل حصــــيله


ما خاف دعوه تودع الحظ مهدوم=تصبح رياض العز شوك ونثـــــيله


الظلم راعي الظلم لو طال مهزوم=والحظ ما يبدل بسم وملـــيله


والحق يظهر واخر الامر محتوم=ولحدٍ على الدنيا طويلٍ مقيله

ختمت يالسـامر على الظرف بختـوم     =      تفتح مغاليقه سيوف(ن)صقيلـــه 


   تارد حياض الموت بالحرب وتحــــــوم       =    تسلى سنين العمر وتصول صوله


   دكت حصون المعركة وانثنى القــــوم      =     تبني على انقاض المطاريد دولـه


   مايهاب موت من على الدين معصوم      =     روحه تعود بالفعول الجليلــــــــــه


   الموت حاكم عدل والحــي محكـــــوم   =        يقلط على رجال(ن)شداد وهزيله


   تسقي كفوفه كل شاكي ومســـقوم     =      يا عملة الحي الصحيح وعميلــــه


   ومن قدم الحسنى فالاحسان محتوم     =     موته شرف يسوى حياة (ن)ذليله


   ابرمت لاهل المعرفة عقد ملــــــــــزوم      =     ان الوفا والدين خل وخليلــــــــــه


   يامشغل العـــــــــالم بالغــــــاز وعلـوم     =      لغز(ن)سمين اشبهه بألف ليله


   وصـــلاة ربي عـد ما تمــــطر غيــــــوم       =    على شفيع الخلق راعي الوسيله