يا هاجس الأيام مالك ومالي =مالك ومال نفوس جاها قدرها 


وقت تجلا بالوصال وصفالي =عيّت عيوني منه تملأ نظرها 


صحيح والله ما حسّبت الليالي =تنقل نفوسٍ وافيات خطرها 


وقتٍ خذا غيري وحطه بدالي =شوفات عيني يا ضنيني قصرها 

الله يبيّض وجه سود الليالي =عرفت منها صاحبيٍ من عدايه 


عرفتهم ما بين مرٍ وحالي =ما بين حسنا بالمعرفة وسايه 

الليالي بين خبث وبين طيّب =وسطت بي سهمها بين المتون 

ميت الحب ما تركز عليه النصايب =وما بقى غير روحه والعصب والعظام 


موتة الحيّ من بين الأهل والقرايب =أبشع الموت ما فيها جدال وخصام 

يوم أجمع شيوخ المفردات العظيمة =ودي أكتب رسالة حب لأغلى مقام 

إن شفت لي حاجة ما هيب تعجبني =أصد عنها تقل ما شفتلي حاجة 

العز من بين المخاليق مقسوم =ويفوز به من طيب رأسه دليله 


كم واحدٍ وده بمجدٍ مع القوم =وعيّت صواديف الدهر تستويله 


وكم واحدٍ يحيا من الوقت ملطوم =لطم يشاف ولطم كبدٍ غليله 


وكم واحدٍ من نعمة العقل محروم =وماله على ما قدّر الله حيله 


وكم واحدٍ يلقى به الكبر والزوم =مجد على راسه يعود فشيله 


وكم واحدٍ يمشي مع الناس منجوم =وهو من رجال الحسب والفضيلة 


ما دامت الدنيا لحد دايم الدوم =تجزي عن الغايات خير الوسيله