حراير نبتت على النار والنور=تحدث الكون الفسيح ببهاهن


من حكمة الخلاق ولدن بديجور=وبدد ظلام الليل عالي سناهن


حسابهن في خانة البضع محصور=وبعصرهن غطن على من سواهن


خوات مختلفات باحوال وعصور=متشابهات بوصفهن وبنماهن


ياللي بحل رموز الالغاز مشهور=هات الخوات الغر والا حداهن

حرايرك ياأمير مهن من الحور= من خلقة الدنيا ومحد (ن) وطاهن


 من شافهن بالكون يكون مسرور =عيونه الثنتين ربك حماهن


 نجوم النعايم لبة اللغز محشور=وثريا والجوزا وفيما تلاهن 


ولهن سمي بالكون بالأرض منثور =وبعض البشر ياأمير يركض وراهن

مكثور يا السامر عسى الخير مكثور= يا حابك ألي عالي(ن) مستواهن


 السور قبله سور من قبلهن سور= و الله على زين النوايا عطاهن 


آل السعود مجبرة كل مكسور=امكسرين عظام من هو نواهن 

  ياشاعر اال سعود حضرتك منشور =حكمتك في نظمة رفع مستواهن 


جاني وحللتة بحكمة على الفور= ولقيت حلة في العيون وحلاهن 


حلة عيون (ن) ذكرها دوم مذكور= عيون كم من هايم في هواهن 


هذاحسب وجهة نظرشخص مغمور =شاعر إذا شاف الضريبة رماهن