1429-02-28 06:17 PM
نشرت مجلة ملفات قصيدة حرصك على ابوك لصاحب السمو الامير عبدالعزيز بن سعود بن محمد السامر في صاحب السمو الملكي الامير عبد العزيز بن فهد في عددها الاخير المتواجد في الاسواق الآن
حرصك على ابوك
كل ٍ يبى الطيب لكـن مـره وفاتـه = بلاه عندك لقالـه مشـرب ٍ صافـي
عتاّق الارقاب فعل الطيـب عاداتـه =حر ٍ يصيد الجمايل جـل وتشافـي
عبد العزيز الوفا لك تحكـم قضاتـه= وتميّزه لك وهـذا عيـن الانصافـي
الطيب فيك انت مجده لاقـي ٍ ذاتـه= وقبلك وهو من شداد العز متجافـي
ما دام رب الملا خصـك بمرضاتـه = مكارمك بالعـرب تسعـى وتطاّفـي
علـى يديـك الوفـا تكبـر مهماتـه=وسم ٍ تخضّر بنوّك كـل الاريافـي
أمرك انجاز الأمر وتوثـق وصاتـه=وتنشد عن سعود نشدة مصخي ٍ وافي
حرصك على ابوك من ربي مجازاته=فضايلك بالقرابـه سترهـا ضافـي
الطيب بـك وصلـه ربـي نهاياتـه = بين العرب فخر وائلنـا بكـم كافـي
وصانـي ابـوك ابلغكـم تحيـاتـه = اليوم من فضل رب البيـت متعافـي