فاح ريح المعاني فيك عطر وطيب=والقصائد دخون المجد في كل حال 


مجدك الله واكبر حاضر ما يغيب=كنه اليوم ضرب من ضروب الخيال


انت مجد السياسة وانت سقم الحريب=وانت روح السيادة ما بهذا جدال


انت حكمك عجيب وانت عدلك عجيب=وانت لضعوف شعبك كلهم راس مال


يايقين العروبة فالزمان المريب=في مواقفك والله ما يضيق المجال


انت لجروح وقتك والمصايب طبيب=مجد غيرك حرام وانت مجدك حلال


يامخلص طليب من مقاضب طليب=يا ابيض الوجه مالك بالمواقف مثال


وسمي للخلايق كلها بك نصيب=ما يقوله ولدكم قول كل الرجال


عند طيبك لقينا الطيب كله غريب=انت كامل ولله العلي الكمال


طلبة الخلق يسمعها السميع المجيب=سلم الله راسك يا محيل المحال


نمترض من مرضك وكلنا نتستصيب=ونحمد الله يوم الشر ياشيخ زال


همتك كبرتنا فالزمان العصيب=وانت ظل ظليل عن سموم الليال

ما مثل نجد الى صفا لك بالاقبال=روض من الجنة تداعج نهوره


إن جاد حظك واستوى لك بمنزال=موج تلاطم بالمعزه بحوره


ان جاد نجد ارقى على راس ما طال=وان شان اوقف للعداء لا تعوره


دونه نبيع الروح في سوق الاجال=نبي عداه يجنبونه وسوره


ربي مورتنا ثرى شمس وظلال=ان زان والا راد جاير قصوره


سواليف عندي قصيرات وطوال=يا كثر ماادخل فوادي سروره


هو ثوبنا الصافي على كل الاحوال=وحنا ظلامه في لزومه ونوره


نجد الوطن والعز والجاه والمال=والروح في حب البلاد معذوره

سلامة عين بالدمعه بكت لي=تبادلني غلالها من غلالها


يعز الدمع في عين شكت لي=من الحرمان ما جدد عناها

وترى الاقدار بالهجر عزفت لي=مواويل يساهرني صداها


ولو بالحب نفسي مولت لي=نهيت النفس لا تتبع هواها

يا هاجس الايام مالك ومالي=مالك ومال نفوس جاها قدرها


وقت تجلا بالوصال وصفا لي=عيت عيوني منه تملأ نظرها


صحيح والله ما مسيت الليالي=تنقل نفوس وامنات خطرها


وقت خذا غيري وحطه بدالي=شوفات عيني يا خنيني قصرها


ولابد ما يجري له اللي جرى لي=تزين به الايام يارق نحرها

دنيا تجازي بالاسى كل غالي=هذا من الايام داير شهرها


حقك سعادتها وانا جورها لي=يكفي عيوني منك طايل سهرها


غرقت في دنياي قبل تهنا لي=هذا وانا سباح غبة بحرها

احد يبي بدنياه ويهدي=بغيت اصبر ولكن باح سدي


عجايب هالزمان الله يكافي=طويلة مالها بالكون حدي


الى برقت فيها ضاق صدري=وش اخذ ويش اخلي ويش اعدي


انا في خاطري كلمة خفية=ابظهرها ولو ما هوب قصدي تحدي


احد يخطي وهو ما هوب يدري=يحسبه تايه الراي متعدي


واحد ينطحك لا جاله بحاجة=ولا منه قضاهاعندك صدي


واحد يلعب على الحبلين رايم=ضعيف لا يجيب ولا يودي


وناس ما تفيد بها الجمايل=تراهم ما بهم مخلوف كدي


وانا منهم بري والشاهد الله=وطرف العين فيهم ما يلدي


جليس السو ما هو صاحب لي=انا ضده وهو خصمي وضدي


الى جا قلت يقعد مثل غيره=والي اقفي قلت جعله ما يردي


انا وياه ما نصلح بديره=الى منه نزل فيها نشدي


وعرف الطيبين اكبر تجاره=تراها كل يوم تستجدي


مشاهدهم على عز ومعزة=تريح خاطرك وانت متعدي


وجليس الخير يضحك له حجاجي=واعده مثل اخوي وصلب جدي

كل ما حققت يمك النظر=ادري اني بالهوى ما نلت شي


بالبها تنور على كل البشر=لك خدود نورها يكشف يضي


عارف اني من عيونك في خطر=يا حبيبي وش بيظهر في يدي


خلني ما بين همي والقمر=في لهيب الشمس ما بي منك في


لا تواعدني على راس الشهر=وانت ما توفي وجرح الحب حي


الله اكبر يا صواديف القدر=كيف تطويني على الهجران طي


دون حبك حظي الميت عثر=وانت قاسي والزمن بالحيل عي

عز الرجا والياس لظنوني الجا=من موق عين عانقة دمع مشتاق


ما يمكن اطراف الهدب منه تنجا=وفتورها من نومة الحسن ما فاق


منها السلامة بالهوى كيف ترجا=وبين الدموع ورمشها ضم وعناق


مواقف منها ابكم الحس يشجا=لا ناض منها في سما الحب يراق


ليل متبين فيه ما عاد يدجا=كنه شروق به من سنا الحسن شراق


ليل تبين فيه ما عاد يفجا=بالهاجس اللي علل النفس بفراق

اجمع العزة ورجعها جميع=لا تخليها على وهج الشعاع


لاجل نور الخد فيها ما يضيع=الظلام الى امر فامره مطاع


ان نهيت القلب عيا لا يطيع=يا عيون ما خذتني للضياع


كيف تشري بالهوى العف وتبيع=والغلا مثل الضماير ما يباع


الوداعه ما يضيعها الوديع=لا تكفنها بنظرات الوداع


ليت لي صدر على هجرك وسيع=وليت حظي بالنهوى ساق الشراع