قريت لغز(ن)يشرح  الصدرسبكة=لغز(ن) على تشغيل فكري جبرني


وســم ابللـفـكـر ربـكــة=من بعد جهـد الله بهـذا امرنـي


سور كتاب الله هي حلول حبكـة=مائة وسبع وسبـع  يامنتظرنـي


قول(ن)بناء الاسلام والشرك دكة=الله به علـى عـدوي نصرنـي


الدين يعز اللـي تجـود ومسكـة=من سمع قولي في النهاية  شكرني

شاهدت لغز(ن)فيه حكمة و حنكة=منشور بسم اللي بطيبة غمرنـي


لغز خبير معتمد صـاغ سبكـة=من قوتة ساعة قريتـة ذعرنـي


وفكرت به واعلنت من بعد ربكة=حل(ن) به الله جل شانة أمرنـي


قرنة ميه سورة هذا رمز  حبكة=وعشر سور وربع إذا  تختبرني


نزلها اللي بامـرة يديـر فلكـة=الواحد اللي عزنـي  ماحقرنـي


قولة يعز اللي من الناس مسكـة=يزيل عني هم وقت(ن) قهرنـي

تركـت الشعـر جزلـه و ركـه=من يوم مرسول المنايا حضرنـي


و بيني و بين نهاية العمـر تكـه=و دي بها في طاعة اللي فطرنـي


لا شك أبا أرمي طايرا و أنت ذكه=إما غترت الطيـر و إلا غترنـي


نورا تنزل بيـن يثـرب و بكـه=على الحبيب اللي نهاني و  أمرني


لو نزله ربي علـى ضلـع دكـه=حير سلاطين البيـان و  بهرنـي


100 و 10 و 4 دون لــكــه=أحسنت و إلا قيد فكري قصرنـي

بظبط حسابي بين طيبه وبكه =وأجاوب السامر بقاف حشرني 


ولو الذهب في حيد ضلع بدكه=إما كسرت الباب ولا كسرني


 يالسامر اللي حافظ الطيبه صكه =وأنا بعد بالطيب سيفي شهرني


 (عدد سور قرآن) ما فيه عكه= مصحف غمركم بالحسان وغمرني

طلبت من يرجف لراضين دكه= حين الشديد يقول يارب مرني 


عفوك وحالي فيه فاقه وضكه= ما همني غير الذنوب وقهرني


 بعده بعود بمجدي ليا محكه= دستوري القران والله نصرني


على يدين اللي ولا فيه لكه=رسولنا خيره وفضله غمرني 


 عليه تنزيل السور مستفكه=سبع وسبع وميه عددها وذرني


 مابين مكه والمدينة تبكه = يلي بحل ألغازها ما جبرني

 ياامير لغزك محكم البيت شده = والحل عندي جايبه لاتخذلني


من خالق الثقلين انسه وجنه=رب البرايا من خلقك وخلقني 


 انزل كتاب به شفانا وطبه = على نبي بالمحبه غمرني


 فرقان حق بين طيبه وبكه =يالله ياربي تجعله حجتنلي


 _ الفالح اللي شد حرفه وحده =بجنان خلد منزله مستظلي 


دلال فكرك زينها وقت صبه=ابغى اقول اللغز هذا عجبني

جبل فكر قلت دكه= حاولت لين اشوف فكري قهرني


 من لاتثقف يعترض كل صكه =واللغز كنه قال لي تفتكرني


 يا فكرقبل تقول له بر وكه= سور كتاب اللي بالاسلام امرني


 بارض الشعر مكاني اثبتت صكه= ان كان فكري زار من ينتظرني

هات القلم سجل كلامي وشكه= قبل المواقف بالقصيد تحجرني


اللغز يالشاعر لقينا مفكة=لقيته حله يوم ربي امرني


كتاب انزل بالمدينة وبكة=ولاحفظته بامر ري نصرني


الخاسر اللي من يدينه يفكه=مايدري انه بالهداية غمرني


وضح طريق موحدينه وشركة=وعلى اتباع الحق محد(ن)جبرني


 سجلت جزل القول ماجبت ركه =وباقي معاني قافها ماحضرني

ياللي كتبت اللغز مافيه لكه =الله على لغزك وحله يأمرني


 لغزك اللي لاذكرته ذكرني= الباب صكيته وعندي مفكه

ضبطت احساسي بين يثرب و مكه= ورفعت يديني وقلت يالله انرني


 فتحت كتاب الله و أبد ما اصكه = وحلفت أحصي كل سورة واللي فطرني


 و قفلت الباب و الحل ملكه =لغز رفيع من جماله سحرني 


عدد لآلئ النور ومافي فكه =من حل هاللغز اللي جهرني


 قرآننا دستور وصراط وسكه =إلطاعة الرحمن اللي بإنعامه غمرني


 ماني بخسرانه في حله وفكه=الحل واضح واللغز لاما قصرني