عـز الــرياض وعـز وادي حـــنيفه = وعـز الامـاره والامور العظـايم


عدل الحـكم ســلمان بالعـز ريفــه = خمسـين عـام ٍ كـل ابـوها غــنايم


تبصــر بعــدله عـين حـي ٍ كفــيفه = المجــد له والطـيب والعز دايـم


فاق المكارم والمكارم رديـفه = سلمان بالأخلاق فاق الزعـــائم


من عهد أبوه إللي حماهابسيفه =عبدالعزيز إللي له المجد قائم


وسلمان نجله بالخصال العريفه =  عز الله إنه في المكان الملائم


إللي ورث بالطيب مجدالخليفه =  راعي العزيمه نال كل العزائم


نفسه لفعل الخيردائم لطيفه = ماهم كثر التكلفــه والغرائــم


وعينه على آمن الوطن مستخيفه = يسهر وغيره في الملذات هائم


لأجل الوطن طرفه منامه يعيفه = يبات ساهر وأغلب الناس نائم


درع الجزيره في الليالي المخيفه = حامي الحمى في خوفهاوالسلائم


سلمان هو مولى الصفات الشريفه = يفرح بضيفه يكرمه بالولائم


قلبه وروحه بالمكارم نظيفه = متنزهـن عن فعل كل اللوائـم


بالدين والإيمان نفسه عفيفه = مؤمن مصلي وأغلب الوقت صائم


سلمان يانصرالنفوس الضعيفه = لاجوه يشكوا من زمان الظلائم


الله يديم النصر دائم حليفه = ويديم عــزه شـامـخٍ بالدعــــائم