لحّيت بك لحٍ لو اللّح مذموم =راجٍ يجيني منك تفريج ضيقه 

تفرقت شوفـات فكـري مـن اليـوم=ولا عرفـت أسلـك لنفسـي طريقـه


عليك ياحـارم عيونـي عـن النـوم=يـا مخلـفٍ هـاك العهـود   الوثيقـه


ياليت عيـنٍ خجـت القلـب  بسهـوم=انـه علـى حبـه بقلـبـي مويـقـه


محـزون مغمـومٍ سهيـرٍ  ومهمـوم=هواجسـي بابحـار فكـري    غميقـه


ياريف روحي عنك ما اقوى العزا دوم=عيني علـى شوفـة جمالـك   شفيقـه


ان صحت من حبك فلانيـب   مليـوم=لو الذي بـي بالصخـر مـا يطيقـه


اللي جرالي عقـب فرقـاك مقسـوم=غـادٍ كمـا طيـر الوحـش   بتخفيقـه


لحيت بـك لـح لـو اللـح مذمـوم=راجٍ يجينـي منـك تفريـج ضيـقـة