مما حصل للحزن فينا عنــــــــــاوين =الحزن خيم والعزايم قويـــــــــــــات 


وضاق الفضاء بصدورنــــــا والأراضين =مما يقال وبث عبر القنــــــــــــوات


في ام الرجـــــال المؤمنين التقيين =اللي نزل في حجرها الوحي مرات


وبشر بها جبريـــــــــــل خير النبيين =بشر بها محمد عليه الصــــــــلوات


واختارها الله للنبي نــــــــاصر الدين =زوجه لبالقاسم رفيع المقامــــــات


وحب الرسول لها وســــام وبراهين =محبة فيها من الله كرامـــــــــــــات 


وياكم حديث بلغته المــــــــــــلايين =عن النبي ترويه باسناد واثبــــــات 


ومحصنة من هرج الاشــرار تحصين =والله مبريها بديع السمـــــــــــاوات 


وياعـــــــــائشه ياقرة القلب والعين =نذود عنك اهل الفتن والدعايـــــات 


ونفديك ما دمنــا على الارض حيين =وبايماننا نملك جميع الدفاعــــــات 

مبدأ كلامي طلبة المعبــود خيــر الخالقيــــن=يارب  ثبتـنـا على الديـن الحنـيف إلى الممـــات


واغفر لنا يالله واجعلنـــا هــداة مهتديـــــــن=وأخذل عدو الدين وانصرنا على القوم الطغـات


هذا وصلّوا عالرسول المصطفى ياسـامعيـن=صلّوا عليـه إعـداد ماهبـــت هبــوب الذاريـــات


وعن عائشه بأذكــــر خصـال طيّبـه للطيبين=حيث إنهـا قـدوة نساء المسلميـــن الطاهــــرات


هي إبنة الصديـق والصـديقـه أم المؤمنيـــن=الزاهـــــدة والعابـــدة وأُم الخصــــال الطيّبـــات 


زوجة رسـول الله في الدنيا خذ العلم اليقيــن=وفي الأخـرة زوجـة رسول الله خُذ العلـم الثبـات


اللي لها فضـل على سـاير نسـاء العـالميــن=أثنى عليهـا المصطفى وأصحابه أهل المكرمـات 


المُصطفى في بيتها نزل له الروح الأميــــن=وفي حِجرهـا مرض وعلى يدينها المختار مـات


من سبّها يُقتل ويحسب من حساب الكافرين=واللي مَدحهـا  بشّــره بالخيـر من كـل الجهـــات 


ذي عائشه زوجة رسول الله خير المرسلين=يا جاهليـــن فــي فضايلهـــا وفي طيــب الصفات 

 يَا الْلَّه وَانْـت الْمَـالِك الْمُتَصَـرِّف الْـعَـفْـو الْمَعِيْن= الْـخَـالِـق الْجَـبَّـار عَـالِــم بِالْحَـيَـاه وَبِالْـمَـمَـــات


 الْوَاحِـد الْـنُّـوْر الْـبَـدِيْـع الْـوَاسِـــع الْـحَـي الْمَتِيْن=يَا مُـنْـزِل ٍ هُـوْد وَتَبَارَك وَالْـقَـلَـم وَالْـمُـرْسَــلاَت


 يَا الْلَّه تَنْصُرَنَـا عَـلَـى الْـقَـوْم الْـغُـــزَاه الْمُعْتَدِيْن=  الْلِي تُحَــاوِل تَزْرَع الْفِتْنِه بِقَـذْف الْـمُـحـْـصَنَـات


 حَـرَّك شُـعَـوُري مِـن يُشَـوِّه سُمْعـَة أَم الْمُؤْمِنِيْن=  وَامَّـة مُـحَـمـَّد مُنْـكِـرِيْن الْـفـِعــل مِـن كُـل الْجِهَات


 مـن دُوْنِهـا نَاقـف وَقـوَف الْحـق ضِـد الْرَّافِضِين=  الْلِي تُحَــرِّف بِـالْحَـقَـايَـق بِـادِعِـيـن الْشَّـائِعَــات


 بَحَــاوِل اذْكُـر مَـن مَــآَثِـر عَــائِشَـه لَـو كَلِمَتَيْن= مِـن دُوْنِهَا نَاقِف فِـدَى لُلِي خَذَت جَـل الْصِّفَـات


 أُفـقـه بَنَات آَدَم خـلْقِهـا الْلَّه عـلـى تـقـــوَى وَدِيْن= أَحَـب زَوْجَــات الْرَّسُــوْل الْقَانِتَات الطَّـاهِــرَات


 بَرَّاهَــا رَب الْعَـالَمـِيْـن مِـن الأِفْـك وَالْحَـاقِـدِيْن= فِي خِـــدْرِهَـــا  نَــزَل آيَاتٍ بَيِّنَاتٍ   مُحْـكَمَــات


 عَلَى الْرَّسُوْل الْمُصْطَفَى الْلِي بَيّن الْحَـق الْمُبِيْن=  شَـاهِـد لَهَـا الْلَّه بِالْصِّفَـات الْكَـامِـلاَت الْطَّيِّبـَات


 وَالَّلُي يُـشـَكِّـك بِأُمِّنا نَـقْـطَـع شُـكُــوْكَــه بِالْيَقِيْن=مَـالِلعِدا وَالَّلُي جَـهْـل غَيْر الْسُّيُوْف الْمُـرْهَـفَـات

أبشري بالشعر يا ام المؤمنين =وابشري بأغلى الجمل والمفردات


آمريني واخْذي اللي تامرين =شرّد الافكار وِرد وصادرات


لي هجوس ما يقول الدرب وين =بوصلة ترصد وتدّلّ الجهات


مايطالع للقريب بنص عين =نظرته يم النجوم الساريات


لاضرب له قاسي وعيا يلين =قام من لاشي يصنع معجزات 


وانتي اللي تستحقين الثمين =من صفاتك نبتدي بأي الصفات


انتي الأقرب لسيد المرسلين =وانتي لسيرتْه خير الراويات


سابقة للدين ومن السابقين =واظلموك أهل الوجيه العابسات


اتْهموك اهل النفاق المشركين =والبراءة لك من المعبود جات


عاش معك المصطفى الهادي الأمين =وبآخر الايام بين يديك مات

الله اكبر فوق كيد الحاقدين =ويهلك الله من يسب المحصنات


كيف وصل الذي لام المؤمنين=وكيف صار الحقد لام الطاهرات


زوجة الهادي وسيد المرسلين =خصها الله بين كل المؤمنات


ابنة الصديق والطهر المبين =اشرف الاشراف في كل الصفات


هي بكر يومن تزوجها الامين =وماخذا غيره بكر بالامهات


خصها جبريل بين المسلمين =بسلام لسيدة كل البنات


برئة علام غيب العالمين =مثبته باصدق حرف البينات


الوحي بنزل على فراشه يقين =ونبي في نحرها سلم ومات


ذكرها عطر رياض الصالحين =واسمهاء عطر كتاب الخالدات


زوجة الهادي وخير الشافعين =في جنان الخلد بين الماجدات

الشعر هاجس والمشاعر عناوين =والقاف رحلة والمعاني محطات


ومهمة الشاعر بدا وقتها الحين =مبطي وحزة صادق الشعر ماجات


والله مادري كيف أببدا ومن وين =لكنّ يسرها بديع السماوات


يابنت ابو بكر اخت ذات النطاقين =واجد صفاتك والمآثر كثيرات


ما يحتوي سيرتْك غير الدوادين =ومن بعضها شرّفت لي عدة أبيـات


انتي حبيبة سيد كل النبيين =وانتي من اهل العلم واهل الروايات


وانتي من اهل الأجر والسبق بالدين =وجبريل مهدي لك كريم التحيات


يكفيك لو ذكرك ورد في حديثين =وشلون عاد وقد ورد فيه آيات


امبرأه فيها من العيب والشيـــن =براءةٍ في النفس والعِرض والذات


شهادةٍ لك تعتمدها القوانين =من رب لاتخفى عليه الخفيات

كرم الله ربة العرض الحصين=منبع العفه ورمز التضحيات


زوجة المعصوم وام المؤمنين=عائشه نبراس كل المؤمنات


نصرها نصرًلخيرالمرسلين=ونصرة الهادي من اولى الواجبات


كانت لخير البشر نعم المعين=جاهدت في نصرة الحق بثبات


موقنه في ربها حق الــــــيقين=ماتولـــع قلبها بالمغــريــــات


هذي اشرف سيدات العالمين=خصها المولى بخير المكرمات


ذات جاه وذات علم وذات دين=بنت صديقً حوى خير الصفات


مجدها خالد على مر السنين=في وفاها يقتدن الصـــالحات


رد عنها الله شرور المرجفين=وبريت بايات حقً واضحـــات


لكن انعميت قلوب الكافرين=وردو ايات الكتاب المحكمات

العمر تمضي رِحْلته والنّـور فالظلمـا يبيـن=وتبْقى الحقيقه شارقه فوق الجبال  الشامخات 


ونَبْقى على النّهج السَّوي مادام حنّا  مسلمين=إنْحب ماحَبّ النبي وازواجَـهِ الْنـا  أمّهـات 


ويبقى الفخر لامّ الشرف وامّ العباد  المؤمنين=أشْرف نسب واعلى قَدر قِدوة جميع المسلمات 


قرّة عيون المصطفى خير الخلايـق أجمعيـن=اللي تزوجها بِكـر واختارهـا بيـن البنـات 


إمبرأه من كل عيب وعِرْضَها حِصْن ٍ حصيـن=وهذي برائتهـا بآيـات الكتـاب المحكمـات 


تتلى على روس الملا في كل وقت وكل حيـن=ومن مِثْلها فَخْر النساء العابـدات المؤمنـات 


وجبريل يِقْريها السلام وقلبهـا قلـب ٍ  فطيـن=وياكثر ماعنْها روى اهل الأحاديـث  الثقـات 


ومِنْ عِلْمها ياما نَهَل أصحاب خير المرسليـن=واليا اشْكَلَوْ في مسأله حلّت جميع  المشكلات 


وهذا ابوها ثانيَ الإثنيـن فـي شـدّه وليـن=صِدّيق الامّه وافي المدّات محمـود الصفـات 


وهذا الفخر يبقى على طول الليالي  السنيـن=وِيْسَجّلِ بْماء الذهب لامّ القلـوب الطاهـرات

الله أكبر..الله أكبر  كل يوم وكل حين=الله أكبر ياأله الكون نطلبك الثبات


زادشرأهل الحسدوالكفرهم والملحدين=للعفيفةبنت أبوبكرالخليفة..كاملة الصفات


أطهر أنثى في الحياةوفي نساء المؤمنين=وتشهدآيات من الله في كتابه منزلات


تحفظ أقوال النبي المصطفى زاهي الجبين=وبعدها صارت تناقلها الأئمة والروات 


صاحبة عقل منير وصاحبة فقةودين=وصاحبة زهدٍعظيم عن ملذات الحياة


شقت التمرة على الجياع صارت تمرتين=ومابقى شي يسدالجوع لو كسرة فتات


وخصها الله بالغلا في قلب سيد المرسلين=سيدة كل العذارى والبنات المترفات


وخصها الله عن نساء الكون في دنيا ودين=وكان رأس المصطفى في حجرها قبل الممات 


ثم دفن سيد البشر في حجرةأم المؤمنين=بنت أبو بكرالعفيفة تاج كل المؤمنات


تكرمين عن الأهانة تكرمين..وتكرمين=ياأم كل العابدات المؤمنات الطاهرات

مبتداي بذكر رب العالمين =وللرسول أزكى سلامي والصلاة 


بأمر راشد جيت بالدر الثمين =في وصوف أنقى وأعز الطاهرات 


سيدتنا وأم كل المؤمنين =عائشه عاشت على حسن الصفات 


أكرموها مخلصين المسلمين =واظلموها خايبين وخايبات 


كفروها شلـة الحقد الدفين =واذكروها بالنعوت الكاذبات 


حبٍ نور الخلق سيد المرسلين =درة فوق النجوم العاليات 


برأت من منزل القول المبين =عصبةٍ بالإفك ترمي المحصنات


زوجت من عمرها تسعة سنين =بنت بيت بكر خير المحصنات 


دام أبوها أفضل كرام راشدين =أبو بكر اللي فعولـه كايدات 


فضلت على النساء قول الأمين =بالحديث اللي تناقله الرواة