جيت من نجد دار العز والاستقامه = يم باريس مالي غير شوفك مرامي


جيت أهني عضيدي بالشفا والسلامه=  أنت اخوي العزيز وبالشدايد حزامي


ابوتركي عريق المجد ساس الزعامه =  كل طيبٍ خذا به بين جيله وسامي


الكرم والسماحه والوفا والشهامه  =   أربع خصال فازبها رفيع المقامي


الله اللي عطاه العرف وأعلى مقامه  =  بينت به مواري الطيب قبل الفطامي


كل ما كبر سنه جسّد الحلم أمامه    =مجدٍ لأمة الاسلام والعرب حامي


هامته ماعلتها بالزمان أي هامه   =   قاصده مايخيب ومن حمى مايضامي


وأخذ الدرس من فعله وصادق كلامه   = منهلٍ حكمته يروي بها كل ظامي


من معين الفهد شرب الحزم والفهامه    =   ونقض حبل العظايم بالفعول العظامي


جعل في عالي الجنات للفهد إقامه    = وهبةٍ من كريمٍ يحتفي بالكرامي


وأنت عزك يطوّل يابو تركي دوامه =  يا سنا فجرنا في مدلهم الظلامي


طال عمرك ويهناك الشفا والسلامه  =  جيت من نجد مالي غير شوفك مرامي