ياملكنا مجدك الحب من شعب الوفا=يافهدنا يافهد مجدنا عال المقام


شعبك اللي بالولا والوفا الوافي صفا=بالمحبة علقوا بك على الهامة وسام


في فنار وجيههم نور حبك ما طفا=يالله انه يسعدك كل يوم وكل عام

في مشارف مملكتنا نضيف من لفا=دامت الايام عزٍ لنا والحظ قام


نحمد الله كل قلبٍ دماجرحه شفا=لويشح الوقت ماشحت ايدين الكرام

اطلب الكايد ولو هو مستحيل=اما هو ولا على المجد السلام


مالشرهاتي على غيره سبيل=والذي شرّف محبه والمقام

اكتب الفصل الاول من معاني غلاك=ودي اكتب معك قصة غلاك الاخيره


اذكرك قلت لي مالي بالغلا الا غلاك=واثر سيرتك بالاحلام والحب سيره

كل حيٍ ترجا طول الأيام غايب=ينكسر في مطاريد الهوى والغرام


ميت الحب ماتركز عليه النصايب=ومابقا غير روحه والعصب والعظام


موتة الحي من بين الأهل والقرايب=أبشع الموت مافيهاجدال وخصام


كلما طاحت الأيام باحلام شايب=ما تقول السنين المقفيه ياحرام

ان مت من حبك تحملت ذنبي=وكلٍ على ماقيل يبلش بذنبه


ليتك عن اللي تضمر اليوم تنبي=ان كان بك همٍ مضايقك فانبه

اشتاق لك وكلمك كل مشتاق=عنك الثواني كنها شهور واسنين


عليك قلبي من ضنا الشوق خفاق=ابيك كن لكن وين دارك وانا وين

ياغاية الروح طول الصبر مليته=راحت طراة العمر والصبر يطويني


عليك هم الليال السود خاويته=في غربة الحب همك مابرح عيني


الهاجس اللي يجي بك طيف حبيته=عن حرة الشوق والضيق يواسيني

كل يقول الزين كله بخلي=أكيد ماشافوا من الزين حاجه


ماشافوا اللي رمش عينه مظلي=قلبي تكسر منه كسر الزجاجه


خلٍ ذبحني بالغلا والتغلي=ربيع قلبي شوفته وابتهاجه


هو روح روحي هو بعد كل من لي=لاشافني زعلان يضحك حجاجه