اسمك فنارٍ في عتيم الميادين  =يشوفه بعيد المدى والموالي  


وشلون ما فخر بك وأبوك أحمر العين  =أبوك شقران الوفا وانت خالي  


الطيب لك والعز دايم موالين=يومك بواجب مجدهم ما تبالي  


سلطانها عند اختلاف الموازين =لا ضيّعوها بين مرٍ وحالي  


أهديت تاجٍ للسباق ونياشين  =ورفعت مجد تراثنا بالعلالي 


وأحييت عز تراث حماية الدين  =بهاك السنين الماضيات الخوالي 


الأوله لك وأكثر الناس دارين  =يشهد بها التاريخ في كل حالي


والثانية لا جات بين الحفيفين  =خذت السبق لو هو صعيب محالي  


سلطان وأفعالك بوقتك سلاطين  =اموفقك ربي عزيز الجلالي 


صارت مشاريعك بدارك عناوين  =وساهمت فالنهضة بجاهٍ ومالي  


اليوم ما يحتاج فعلك براهين  =يا كاسب الأمداح باول وتالي  


الطيب عندك يسبق العطف واللين  =تورّد به اللي شاف ضيم الليالي