ويلاه من شوف الشعر في جبينك  =طلايقه يوم إنتثر قلت جَنّيْ  


شفتك ولكن وين حظي ووينك  =وشفت العيون الساهيات وشجَنِّيْ  


ويوم التوى بعض الشعر في يمينك  =كل الحلا اللِّي بك غريب وفتنِّيْ  


عرش الهوى خلقت له رموش عينك  =عكشٍ بحربة حبّهن صوبنِّيْ  


عطْ قاصرات الزين من زود زينك  =عطهن ترى نصف المطالب تمنِّيْ  


عمرك ينادي ما مضى من سنينك  =أيام عمرك كنهن يرجعنِّيْ  


عيني وقلبي والعقل عاشقينك  =شفتك وشفت الزود عن زود ظنِّيْ  


وثِّقْ عهود الحب بيني وبينك  =في معركة حبك عيونك خذنِّيْ